امریکی حکام نے پاکستانی جوہری پروگرام کے لیے آلات اسمگل کرنے کے الزام میں دو پاکستانیوں پر فرد جرم عائد کی ہے۔

میری لینڈ ریاست کے شہر بالٹی مور میں ایک بڑی جیوری کی جانب سے عائد کی گئی اس فردجرم میں پینتالیس برس کے ندیم اختر پر الزام عائد کیا گیا ہے کہ انہوں امریکی اداروں سے آلات خرید کر پاکستان میں ایسے اداروں کو غیرقانونی طور پر اسمگل کردیے جو امریکی محکمۂ تجارت کی ممنوعہ فہرست میں شامل ہیں۔

کلِک سپارکو کے سابق سربراہ کا ردعمل

ان اشیاء میں تابکاری کی مقدار معلوم کرنے کے اور حساس پیمائشی آلات اور جوہری مواد شامل ہے جس کو باالواسطہ یا بلاواسطہ طور پر جوہری ری ایکٹروں اور دوسرے ایٹمی پیداواری مراحل میں استعمال کیا جاتا ہے۔

ندیم اختر میری لینڈ میں ایک برآمدی کمپنی چلاتے ہیں اور ان کے ساتھ ایک ایسے نامعلوم فرد پر بھی اسی مقدمے کی فردجرم عائد کی گئی ہے جس کے بارے میں عدالت میں داخل کرائی گئی دستاویزات میں بتایا گیا ہے کہ وہ امریکی حکام کی پہنچ سے دور پاکستان میں ہے۔
یہ آلات پاکستان میں جن اداروں کو سن دو ہزار پانچ تا آٹھ کے درمیان بھیجے گئے تھے ان میں ملک کا خلائی تحقیق کا ادارہ سپارکو اور چشمہ کا جوہری بجلی گھر شامل ہیں۔

ندیم اختر بدھ کے روز پہلی بار عدالت کے سامنے پیش ہوئے تھے جہاں انہیں اگلی سماعت تک کے لیے حراست میں لے لیا گیا ہے۔

فردجرم کے مطابق ندیم اختر کے شریک ملزم نے انہیں خریدی جانے والی اشیاء کی فہرست دی اور بتایا تھاکہ کس طریقے سے یہ بات چھپائی جائے کہ ان اشیاء کو پاکستان میں کن اداروں کو بھیجا جارہا ہے۔

عدالتی دستاویزات کے مطابق دونوں ملزمان نے امریکی اداروں کو ندیم اختر کے ذاتی بینک اکاؤنٹ سمیت ایسے امریکی بینک کھاتوں سے ادائیگی کی جن میں رقومات دبئی کے ذریعے پاکستان سے جمع کرائی گئی تھیں۔

فرد جرم کے مطابق ندیم اختر کی کمپنی کے ذریعے میساچوسٹس اور شمالی ڈکوٹا کی مختلف کمپنیوں سے تابکاری کی مقدار معلوم کرنےکے اور حساس پیمائشی آلات اور جوہری مواد کو خرید کر پاکستان بھیجا گیا تھا۔ انہیں ان اشیاء کی ترسیل پر پانچ تا ساڑھے سات فیصد کمیشن بھی ادا کیا گیا تھا۔

یہ آلات پاکستان میں جن اداروں کو سن دوہزار پانچ تا آٹھ کے درمیان بھیجے گئے تھے ان میں ملک کا خلائی تحقیق کا ادارہ سپارکو اور چشمہ کا جوہری بجلی گھر شامل ہیں۔ دونوں ہی ادارے قومی سلامتی سے متعلق امریکی پابندیوں کی بناء پر محکمۂ تجارت کی ممنوعہ فہرست میں شامل ہیں۔

‭BBC Urdu‬ - ‮پاکستان‬ - ‮پاکستانیوں پر جوہری اسمگلنگ کی فردجرم‬

__________________
"اگرحق کونہیں پہچان سکتے،تو باطل کےتیروں پر نظررکھو،جہاں پرلگ رہے ہوں وہی حق ہے///شیخ الاسلام،،،امام ابن تیمیہ رحمتہ اللہ علیہ. (حافظ سعید زندہ باد)