پاکستانی طالبان نے ملک کے شمالی حصے میں نئے محاذ کھول دیئے،برطانو ی اخبار


Date : 11/4/2011 Updated at 1140 PST


کراچی…رفیق مانگٹ…مشرقی افغانستان کی چیک پوسٹوں سے امریکی فوجیوں کی روانگی کے پیش نظر پاکستانی طالبان نے ملک کے شمالی حصے میں نئے محاذکھول دیئے ہیں اور سرحد پار حملوں میں درجنوں سیکیورٹی فورسز کے اہلکار شہید ہوئے۔برطانوی اخبار’فنانشل ٹائمز‘ نے پاکستانی فوج کے حوالے سے کہا ہے کہ دیر اور چترال کے شمالی علاقے جنہیں عسکریت پسندوں سے خالی کرالیا گیا تھا، گزشتہ چند ماہ میں عسکریت پسندوں کی دوبارہ کارروائیوں کی وجہ کم از کم 4 ہزار فوجی تعینات کیا گیا۔ پاک فوج کے لئے اب دیر اور چترال ایک بڑا چیلنج ہے لیکن گلگت بلتستان میں عسکریت پسندی کا ابھی کوئی خطرہ نہیں۔ گزشتہ تین مہینوں میں شمالی علاقے میں سڑک کے کنارے بم دھماکوں اور دیگر حملوں میں فوج ، پولیس اور نیم فوجی دستوں کے 100 جوان شہید ہوگئے۔عسکریت پسندوں کی کارروائیوں میں اضافے نے2014میں نیٹو فورسز کے انخلاء کے بعد کی صورت حال پر سوالات اٹھا دیئے ہیں۔نورستان اور کنڑ کے علاقے عسکریت پسندوں کے گڑھ بن چکے ہیں۔ نورستان سے پارلیمنٹ کے رکن کا کہنا ہے کہ پاکستانی طالبان عسکریت پسند مقامی لوگوں سے زبردستی ٹیکس لیتے ہیں اور پیٹرول اور دیگر اشیاء پر رعایات حاصل کرتے ہیں۔ طالبان کے کنٹرول علاقوں میں اسکولوں اور کلینکوں کو بند کردیا گیا ہے۔اخبار کے مطابق امریکی فوجیوں کے انخلاء کے بعد خطے میں مزید عام لوگوں عسکریت پسندوں کے ساتھ مل جائیں گے۔افغان فورسز کنڑ اور نورستان کا کنٹرول سنبھالنے کی پوزیشن میں نہیں ہیں ۔
پاکستانی طالبان نے ملک کے شمالی حصے میں نئے محاذ کھول دیئے،برطانو ی اخبار