سلام آباد : کالعدم تحریک طالبان پاکستان نے انکشاف کیا ہے کہ ان کی حکومت پاکستان سے امن بات چیت جاری ہے۔

برطانوی خبر رساں ادارے رائٹرز سے بات کرتے ہوئے ایک سنیئر طالبان کمانڈر نے اس بات کا انکشاف کیا۔

طالبان کمانڈر کے بقول فی الحال امن بات چیت کا مرکز جنوبی وزیرستان کا علاقہ ہے اگر یہ کامیاب رہی تو ہم دیگر قبائلی علاقوں کے حوالے سے بھی جامع معاہدے کی کوشش کریں گے۔

انھوں نے بتایا کہ یہ بات چیت ابھی ابتدائی مرحلے میں ہے اور ہم کسی نمایاں پیشرفت کے منتظر ہیں۔

ان کے مطابق امن معاہدے کے لئے کالعدم تحریک نے اپنے جنگجوؤں کی رہائی سمیت کئی مطالبات کئے ہیں۔

غیر ملکی خبررساں ادارے کے بقول ایک قبائلی مصالحت کار نے امن بات چیت کو بہت مشکل قرار دیا ہے۔
پاکستانی طالبان کی حکومت سےامن گفتگوجاری | The News Tribe