09 دسمبر 2010
واشنگٹن(مانیٹرنگ ڈیسک) ٹرانسپرنسی انٹرنیشنل نے گلوبل کرپشن سروے جاری کردیا ہے جس کے مطابق پاکستان میں تین برس کے دوران کرپشن میں اضافہ ہوا میں بے انتہا اضافہ ہوا ہے جبکہ بھارت میں پچاس فیصد سے زائد افراد رشوت کے لین دین میں ملوث ہیں۔ٹرانسپرنسی انٹرنیشنل نے چھیاسی ممالک میں کیے جانے والے سروے کی رپورٹ جاری کی ہے۔ رپورٹ کے مطابق پاکستانی عوام رشوت کے خلاف حکومتی اقدامات سے مطمئن نہیں جبکہ عدلیہ میں کرپشن کے بارے میں دنیا بھر میں عام آدمی کی رائے تبدیل ہوئی۔ گلوبل کرپشن بیرومیٹر کے مطابق عدلیہ میں کرپشن میں بتدریج کمی آ رہی ہے۔ رپورٹ کے مطابق بھارت میں چار میں سے ایک آدمی رشوت دینے پر مجبور ہے۔ دنیا بھرمیں سب سے زیادہ رشوت پولیس لیتی ہے اور اس میں مسلسل اضافہ ہو رہا ہے۔ رپورٹ میں دعویٰ کیا گیا ہے دنیا بھر میں سیاسی جماعتیں سب سے زیادہ کرپٹ ہیں اور ہر دس میں سے آٹھ افراد سیاسی جماعتوں کو بہت زیادہ بدعنوان سمجھتے ہیں۔بھارت ان ملکوں میں شامل ہے جہاں مختلف کام کروانے کے لئے رشوت دینی پڑتی ہے ۔ دوسرے ملکوں میں افغانستان، کمبوڈیا، کیمرون ، عراق، لائیبریا، نائیجریا، سینگال اور یوگنڈا شامل ہیں۔ ہر دو میں سے ایک شخص نے بتایا اسے کام کروانے کے لئے رشوت دینا پڑی ہے۔ برلن میں قائم ٹرانسپرنسی انٹرنیشنل نے چھوٹے پیمانے کی رشوت کے حوالے سے 86ملکوں کے 91ہزار لوگوں سے سات کی تو معلوم ہوا ان ملکوں سے ہر چار میں سے ایک شخص نے پچھلے سال اپنے کاموں کے سلسلے میں سرکاری اہلکاروں کو رشوت دی ہے۔ یہ اہلکار صحت، تعلیم اور ٹیکسوں کے محکموں سے وابستہ ہیں لیکن پولیس کے متعلق بتایا گیا ہے کہ وہ سب سے زیادہ کرپٹ ہے جن لوگوں کو پولیس سے کام پڑتا ہے ان میں سے 29فیصد نے بتایا انہیں رشوت دینا پڑتی ہے۔

__________________
جاویداسد