واشنگٹن : سابق صدر جنرل ریٹائرڈ پرویز مشرف نے کہا کہ پاکستان میں حالات کی خرابی کا ذمہ دار بھارت ہے، جس کے ثبوت ان کےپاس موجود ہیں۔
واشنگٹن میں معروف امریکی ٹھنک ٹینک اٹلانٹک کونسل میں خطاب کرتے ہوئے پرویز مشرف کا کہنا تھا کہ افغانستان میں بیٹھ کر بلوچستان کے حالات بھی خراب کئے جارہے ہیں۔جبکہ کوئٹہ میں طالبان شوریٰ کا کوئی وجود نہیں۔ اسوقت پاکستان کے جو حالات خراب ہیں اس کا ذمہ دار بھارتی مداخلت ہے۔ جس کے ثبوت بھی موجود ہیں۔ ان کاکہنا تھا کہ پاکستان کے بم کو اسلامی بم کہا جاتا ہے، تو بھارت کے بم کو ہندو بم اور اسرائیل کے بم کو جیوش بم کیوں نہیں کہا جاتا۔

پرویز مشرف کا کہنا تھاکہ ڈرون حملوں کے فوائد ہیں لیکن ٹیکنالوجی پاکستان کے حوالے کی جائے تو کارکردگی میں مزید بہتری آئے گی۔ان کاکہنا تھاکہ اُن کے دورے حکومت میں اقتصادی صورتحال بہتر تھی اور ملکی معیشت بھی ترقی کی جانب گامزن تھی۔۔ پرویز مشرف کا کہنا تھا امریکی صدر اوبامہ کو دورہ بھارت کے دوران مسئلہ کشمیر پر کھل کر بات کرنی چاہیئے تھی۔ کیوں کہ پاکستان اور بھارت میں دیرپا قیام امن کیلئے مسئلہ کشمیر کا حل انتہائی ضروری ہے۔ سابق صدر کا کہنا تھا کہ امریکی صدر اوبامہ کو پاکستان کا بھی دورہ کرنا چاہیئے، اوبامہ کو پاکستان میں سیلاب سے متاثر ہونے والے افراد اور متاثرہ علاقوں کا بھی دورہ کرنا چاہیئے۔

__________________
جاویداسد