استنبول (خضر حیات گوندل) پاکستان میں ٹیلی کام کی تعداد 3 سال میں سات کروڑ سے تجاوز کر چکی ہے۔ ایشیائی اور خلیجی ممالک کے مقابلہ میں شاندار ہے بلکہ یورپی ممالک میں بھی اس کی مثال نہیں ملتی۔ ان خیالات کا اظہار موبی لنک پاکستان کے زیر اہتمام استنبول (ترکی) میں منعقدہ صحافیوں کی تربیتی ورکشاپ میں عالمی شہرت یافتہ ماہر ابلاغیات ایلین وایلیس نے کیا۔ ورکشاپ میں پاکستان سے تقریباً دو درجن صحافیوں نے شرکت کی۔ ٹیلی کام رپورٹرز کی پیشہ ورانہ صلاحیتوں میں اضافہ اور ٹیلی کام رپورٹنگ میں بہتری کے موضوع پر لیکچر بھی دیا۔ ورکشاپ کے دوران پاکستان کو ٹیلی کام کے شعبہ میں ترقی کو حکومتی پالیسیوں کا نتیجہ قرار دیا گیا۔ امریکی ماہر ابلاغیات نے کہا کہ دنیا بھر کی موبائل فون کمپنیوں کے علاوہ جدید سہولتیں فراہم کرنے والے کاروباری ادارے بھی پاکستان کی طرف راغب ہو چکے ہیں۔ اب نئی ٹیکنالوجی بھی پاکستان میں متعارف کروائی جا رہی ہے جن میں وائمیکس تھری جی اور سی ڈی ایم کی جدید سروس بھی شامل ہے جن کی بدولت موبائل فون کے بعد براڈ بینڈ (انٹر نیٹ) کی جدید سروس بھی پاکستانی صارفین کو فراہم ہوسکے گی۔

__________________