پاکستان میں 15 لاکھ افراد بینائی سے محروم، 70 فیصد کا تعلق دیہات سے ہے

**گلاب خان** · 14-10-10, 05:50 AM

لاہور (رپورٹ، ریاض الحق) آج پوری دنیا میں بینائی کا عالمی دن منایا جارہا ہے جس کا مقصد ایسے افراد کے ساتھ اظہار یکجہتی کرنا ہے جوکہ قدرت کی رنگینیوں کو دیکھنے سے محروم ہیں۔ آنکھ اللہ کی دی ہوئی بڑی تعمت ہے جو لوگ اپنی آنکھوں سے دیکھنے سے محروم ہیں عملاً ایسے افراد کو معاشرے پر ایک بڑا بوجھ سمجھا جاتا ہے۔ آنکھوں کی بینائی کھو جانا جہاں فطری عمل ہے، وہیں غربت اور معاشی مشکلات اس کی بڑی وجہ ہیں، جس کا اندازہ ان اعدادو شمار سے لگایا جاسکتا ہے کہ عالمی سطح پر بینائی سے محروم افراد کے 87 فیصد کا تعلق ترقی پذیر ممالک سے ہے۔ کم آمدنی والے ممالک کے اکثر بچے جن کی بینائی کو ختم ہونے سے روکا جاسکتا ہے لیکن غربت کے باعث یہ بچے اپنی بینائی سے محروم ہو رہے ہیں، جس کے باعث دنیا میں فی منٹ ایک بچہ اپنی بینائی سے محروم ہو رہا ہے اور اوسطاً روزانہ 1440 بچے اپنی بینائی سے محروم ہو رہے ہیں جن کی اکثریت معاشی مشکلات اور غربت کا نشانہ بن رہی ہے۔ عالمی دن کے حوالے سے جنگ ڈویلپمنٹ رپورٹنگ سیل نے مختلف ذرائع سے جو اعداد و شمار حاصل کئے ہیں اسکے مطابق دنیا میں ہر 5سیکنڈ میں ایک فرد بینائی سے محروم ہو رہا ہے جبکہ دُنیا میں بینائی سے محروم افراد کی تعداد 4کروڑ 50لاکھ ہے۔ عالمی ادارہ صحت کے مطابق اگر بینائی کی محرومی پر قابو نہ پایا گیا تو 2020ء تک بینائی سے محروم افراد کی تعداد 7کروڑ 60لاکھ تک تجاوز کر جانے کا خدشہ ہے۔ دُنیا میں بینائی سے محروم افراد کا 82 فیصد 50 سال یا اس سے زائد عمر کے ہیں جبکہ دوسری جانب بچوں کی بینائی کی محرومی بھی ایک بڑا مسئلہ بن چکی ہے اور دُنیا میں 5سے 15سال کی عمر کے 14لاکھ بچے بھی اپنی بینائی سے محروم ہیں، جن میں 86فیصد کا تعلق ایشیاء اور 20فیصد کا تعلق افریقہ سے ہے جبکہ اس عمر کے 1کروڑ 20لاکھ بچے صحیح طریقے سے دیکھ ہی نہیں پاتے اور اُنکی بینائی کھو جانے کا خدشہ ہے۔ اقوام متحدہ کے مطابق دنیا کے ہر خطے میں مردوں کے مقابلے میں خواتین میں بینائی کی محرومی کے زیادہ امکانات پائے جاتے ہیں اور بینائی سے محروم افراد کا دو تہائی خواتین پر مشتمل ہے۔ دُنیا میں نابینا افراد کے حوالے سے ایک کروڑ 20لاکھ (26فی صد) نابینا افراد کے ساتھ بھارت فہرست جبکہ 13فیصد کے ساتھ چین دوسرے نمبر پر ہے۔ وفاقی ادارہ برائے شماریات کے اعداد و شمار کے مطابق ملک میں بینائی سے محروم افراد کی تعداد 15لاکھ ہے جبکہ ملک کے کل معذور افراد میں سے 20فیصد نابینا افراد پر مشتمل ہے۔ عالمی ادارہ صحت کے مطابق پاکستان کا شمار ان 12ممالک میں ہوتا ہے جہاں نابینا افراد کی تعداد میں کمی واقع ہونا شروع ہوگئی ہے جبکہ اب بھی غربت کے باعث دیہی علاقوں میں مرض پر قابو نہیں پایا جارہا اور یہی وجہ ہے کہ ملک کے کل بینائی سے محروم افراد میں سے 70فیصد کا تعلق دیہی علاقوں سے ہے اور 60فیصد افراد کی بینائی کی محرومی کی وجہ کالا موتیاہے۔
روزنامہ جنگ راولپنڈی

**عروج** · 14-10-10, 07:52 AM

میں نے آنکیں عطیہ کرنے کا عہد کر رکھا ھے۔ مجھے معلومات درکار ھیں؟

14-10-10, 07:52 AM	#2
عروج Senior Member تاریخ شمولیت: Aug 2010 مقام: islamabad عمر: 40 مراسلات: 3,708 کمائي: 43,221 شکریہ: 11,479 2,270 مراسلہ میں 5,225 بارشکریہ ادا کیا گیا	میں نے آنکیں عطیہ کرنے کا عہد کر رکھا ھے۔ مجھے معلومات درکار ھیں؟ Share Share this post on Digg Del.icio.us Technorati Twitter Facebook!

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Similar Threads
موضوع	موضوع شروع کیا	فورم	جوابات	آخری مراسلہ
ریمنڈ کے بدلے پاکستان کی امداد میں 100 فیصد اضافے کا امریکی اشارہ	گلاب خان	خبریں	63	22-02-11 04:25 PM
پاکستان میں غربت کی شرح میں1.9 فیصد کا اضافہ	زارا	خبریں	0	19-02-11 05:23 PM
اٹلی نے پاکستان کے ذمے 50 فیصد قرضہ امداد میں تبدیل کردیا	گلاب خان	خبریں	2	15-12-10 11:09 AM
ن لیگ کے لیڈ ر کاغذی شیر' 60فیصد پاکستانی میرے ساتھ ہیں ' مشرف	جاویداسد	خبریں	5	14-10-10 09:32 PM
پاکستان میں 16فیصد سگریٹ نوش خواتین کی عمریں 15سال سے کم ہیں‘ رپورٹ	ابن جلال	خبریں	1	14-10-10 07:56 AM

Currently Active Users Viewing This Thread: 1 (0 members and 1 guests)