کراچی (رپورٹ:… جاوید رشید) دہلی کے سی جی او کمپلکس کے نارتھ بلاک میں دس رسوائے زمانہ انٹیلی جنس اداروں کے 360 سینئر اہل کاروں کا بھارتی ایجنسی ”را“ کی مہمان داری میں جواہر لعل آڈیٹوریم میں چار روزہ اجلاس (ورکشاپ) شروع ہوگیا ہے ورکشاپ کا مقصد آنے والے دنوں میں پاکستان کیلئے گھیرا مزید تنگ کرنا ہے۔ معلوم ہوا ہے کہ بھارتی ”را“ نے اپنے نیٹ ورک میں اضافے کیلئے سی آئی اے، ایف بی آئی، ایم آئی 5 اینڈ6، رشین، اسرائیل، موساد اور اسرائیلی مام جرمن وفرینچ اور ہالینڈ انٹیلی جنس کے 360 اعلیٰ سینئر اہل کاروں کو اس انٹیلی جنس ورکشاپ میں مدعو کیا ہے۔ بتایا گیا ہے کہ تین اسلامی ممالک کے بھی 21/ اہلکار بھی ورکشاپ میں مدعو ہیں۔ معلوم ہوا ہے کہ اجلاس میں را کے کئی سابق افسران خطے کے حالات پر اپنا معلوماتی جائزہ رکھیں گے۔ معلوم ہوا ہے کہ ورکشاپ میں افغانستان، پاکستان، چین القاعدہ طالبان اور عرب ممالک کے بھارت سے تعلقات پاکستان میں ہونے والے فوجی آپریشن پر تبادلہ خیال بھی ہوگا یہ بھی معلوم ہوا ہے کہ ایران کے حوالے سے بھی اجلاس میں بات ہوگی یہ بھی معلوم ہوا ہے کہ القاعدہ کی قیا دت کی تلاش میں سرکردہ جرمن انٹیلی جنس کے ایک سینئر اہلکار جو اس ورکشاپ میں شریک ہیں زیادہ توجہ کا مرکز بنتے جا رہے ہیں۔