پاکستان کی پہلی خاتون خلا باز نمیرہ سلیم کو خلاء میں لے جانے والے خلائی جہازوں سپیس شپ ٹو اور مدر سپیس شپ ٹو کے ماڈلز کی گزشتہ روز امریکہ میں نمائش کی گئی۔ اس موقع پر نمیرہ سلیم خود بھی موجود تھیں۔ انہوں نے بتایا کہ یہ موقع ان کیلئے بے حد اہمیت کا حمل کیونکہ اس وقع کی کوریج کے ذریعہ ان کا اور ان کے وطن پاکستان کا نام دنیا کے کونے کونے میں پہنچے گا۔ ذرائع ابلاغ کی رپورٹ کے مطابق اس موقع پر دونوں خلائی جہازوں کی ڈیزائننگ کرنے والے امریکی انجینئر سر رچرڈ برینسن اور برٹ روئن بھی موجود تھے۔ واضح رہے کہ نمیرہ سلیم نے خلائی سفر کیلئے گزشتہ سال اکتوبر میں کوالیفائی کیا تھا جس کیلئے انہیں امریکہ میں تربیت کے سخت ترین مراحل سے گزرنا پڑا۔ رپورٹ کے مطابق دونوں خلائی جہازوں کی نمائش رواں سال موسم گرما میں کی جائے گی جبکہ خلائی مشن 2009ء میں روانہ کیا جائے گا۔