پاکستان کی خود مختاری کا احترام کرتے ہیں، صدربش

نیویارک ... صدر آصف علی زرداری اورامریکی صدر بش کے درمیان ملاقات جاری ہے۔ اطلاعات کے مطابق ملاقات میں دہشت گردی کیخلاف جنگ، اقتصادی تعاون اور دیگر دوطرفہ اور بین الاقوامی معاملات پر تبادلہ خیال کیا جارہاہے۔ صدر کے وفد میں شاہ محمود قریشی ، محمود درانی ، امریکا میں پاکستانی سفیرحسین حقانی اور شیری رحما ن شریک ہیں،ملاقات کے دوران صدر بش نے صدر آصف علی زرداری سے بے نظیر بھٹو کی شہادت اور میریٹ ہوٹل کے واقعے اور ہلاکتوں پر اظہار افسوس کیا۔ ان کیا کہنا تھاکہ دہشت گردی کیخلاف پاکستان ہمارا اہم اتحادی ہے اور ہماری دوستی بہت پرانی ہے۔ انہوں نے مزید کہا کہ امریکا پاکستان کی خودمختاری کا احترام کرتاہے۔صدر آصف علی زرداری نے کہا کہ جمہوریت کیلئے عالمی برادری نے ہماری مدد کی جس پر ہم شکر گزار ہیں، ان کا کہنا تھا کہ ہمارے مسائل بہت سنگین ہیں مگر ہم ان کو حل کرلیں گے۔