اسلام آباد : پاکستان کے قانون ساز ادارے ایوان بالا کےچیئرمین فاروق ایچ نائیک نے کہا ہے کہ پاکستان کو دی جانےوالی فوجی امداد کے تعطل سے پاک امریکا تعلقات میں وقت کے اس اہم موڑ پر منفی اثرات مرتب ہوں گے۔
سینیٹر رابرٹ پی کیسی کے زیر قیادت امریکی سینیٹ کے وفد سے ملاقات کے دوران انہوں نےکہا کہ سماجی و اقتصادی شعبوں میں دی جانے والی امداد کی فراہمی اور تقسیم امریکا کی جانب سے قابل ذکر تعاون ہوگا جس سے پاکستان میں امریکی تشخص کو بہتر کرنے میں مدد ملے گی۔
انہوں نے مزید کہا کہ اس امداد کو مشروط کرنے کے بجائے تیز تر کرنے کی ضرورت ہے۔
اس موقع پر چیئر مین سینیٹ نے دونوں ممالک کے درمیان دوطرفہ تعلقات کو مزید فروغ دینے کے لیے پارلیمانی وفود کے تبادلوں کی ضرورت پر زور دیا تاکہ عوام کے درمیان رابطوں کو بڑھایا جائے۔
انہوں نے کہا کہ دونوں پارلیمانوں کے درمیان اس طرح کے وفود کے تبادلوں سے باہمی دوطرفہ روابط کو مستحکم کرنے میں اہم ثابت ہونگے اور دونوں جمہوریتوں کو ایک دوسرے کے سمجھنے کے حوالے سے ان وفود کے تبادلوں کو ادارا جاتی شکل دینی کی اشد ضرورت ہےThe News Tribe

__________________
فیس بک پہ پاک نیٹ کا حلقہ احباب

https://www.facebook.com/groups/pak.net

دوستوں سے گزارش ہے کہ اپنے شائع کردہ موضوع کو یہاں بھی شئیر کردیا کریں تاکہ زیادہ سے زیادہ لوگوں کو پاک نیٹ کی فیملی کا حصہ بنایا جاسکے۔