عبدالخالق فراحی اغواءکاروں سے رہائی پانے کے بعد افغان فوج کے پاس پہنچ گئے‘ خاندانی ذرائع
پشاور(این این آئی)پشاور سے 2سال قبل اغواء ہونیوالے افغان قونصل جنرل عبدالخالق فراحی کو اغوا کاروں نے رہا کردیا۔ ہفتہ کو عبدالخالق فراحی کے خاندانی ذرائع نے ایک انٹرویو میں بتایا کہ عبدالخالق فراحی اغوا کاروں سے رہائی پانے کے بعد افغان فوج کے پاس پہنچ گئے ہیں تاہم فوری طورپر یہ معلوم نہیں ہوسکا کہ عبدالخالق فراحی کی رہائی کس طرح عمل میں آئی ہے۔ عبدالخالق فراحی کو پشاور کے علاقہ حیات آباد سے 22 ستمبر 2008ء کو اغوا کیا گیا تھا اغواکاروں نے ان کی گاڑی پر فائرنگ کی تھی جس سے ان کا ڈرائیورجاں بحق ہوگیا تھا بعدازاں اغواکاروں نے عبدالخالق فراحی کی ویڈیو جاری کی تھی جس میں انہوں نے اپنی بازیابی کیلئے اغواکاروں کے مطالبات تسلیم کرنے کی اپیل کی تھی۔
روزنامہ جنگ راولپنڈی