پشاور…پشاور سمیت سرحد کے بیشتر علاقوں میں بجلی کی طویل لوڈشیڈنگ کا سلسلہ جاری ہے جبکہ لوڈشیڈنگ کا دورانییبارہ سے اٹھارہ گھنٹوں پر محیط ہے۔ پشاور کے علاقوں صدر نوتھیہ ،گنج ،ورسک روڈ اور یونی ورسٹی سمیت بیشتر علاقوں میں کئی کئی گھنٹے لوڈشیڈنگ جاری ہے جس سے صارفین کو مشکلات کا سامنا کرنا پڑا رہا ہے۔ شہری علاقوں میں بارہ سے پندرہ گھنٹوں کے لیے بجلی کی ترسیل بند کی جا رہی ہے۔ جبکہ دیہی علاقوں میں یہ دورانیے اٹھارہ گھنٹوں سے تجاوز کر گیا ہے۔ مسلسل کئی گھنٹوں کی لوڈشیڈنگ سے کئی علاقوں میں پانی کی قلت بھی پیدا ہوگئی ہے جس سے عوام کو دہرے عذاب کا سامنا ہے۔لوڈشیڈنگ کے باعث کاروباری طبقہ بھی بری طرح متاثر ہورہا ہے ۔ پشاور کے علاوہ سرحد کے مختلف اضلاع مردان چارسدہ ،نوشہرہ سمیت دیگر علاقوں میں کئی کئی گھنٹے کی لوڈ شیڈنگ کی جاری ہے۔ سرحد سے ملحقہ قبائلی علاقوں میں بھی لوڈ شیڈنگ کا سلسلہ جاری ہے۔