خرم شہزاد خرم

یا اللہ ہمارے ملک کی حفاظت فرما آمین
مرنے والوں کوجنت میں جگہ عطا فرمائے اور زخمیوں کو جلد سے جلد صحتِ کاملہ عطا فرما آمین

Real_Light

دھماکوں کی خبریں سُن سُن کے ہم سُن ہی ہو چکے ہیں اب توردعمل بھی نہیں آتا۔۔۔

اب اگر یہ بات کریں کہ ایک جگہ دھماکہ ہو گیا ہے تو بجائے اس کے کہ لوگ افسوس کریں کہتے ہیں چھوڑو یار ۔۔۔ کوئی اور بات کرو۔۔

__________________

نیلم خان

آمین ثم آمین ۔

نیلم خان

درست فرمایا آپ نے دراصل جب تک ھم اپنی اصل کی طرف نہیں لوٹ کر آئیں گے ھمارے ساتھ ایسا ھی ھو گا اور ھم ایسے ھی بے حس رھیں گے اللہ پاک ھم سب پر اپنا خصوصی فضل فرمائے آمین

The Great

یہ تو بہت افسوس کی بات ھے۔

نیلم خان

بس بھیا آپ بھی دعا کریں اس ملک کی سلامتی کے لئے

دل پشاور

صوبائی دارالحکومت پشاور کے مصروف ترین خیبر بازار کے سوئیکارنو چوک میں ہونے والے بم دھماکے سے تقریباً ایک فرلانگ کے فاصلے پر واقع سرحد اسمبلی کے درودیوار بھی ہل کئے اور اسمبلی بلڈنگ کے شیشے ٹوٹ گئے ، اچانک دھماکہ ہونے سے اسمبلی میں ہلچل مچ گئی اور لوگوں کا خیال تھا کہ اسمبلی کی بلڈنگ کو نشانہ بنایا گیا ہے، دھماکہ کے فوراً بعد سپیکر نے اسمبلی کا اجلاس پیر کے روز تک ملتوی کردیا۔ جمعہ کی صبح سرحد اسمبلی کا اجلاس جاری تھا کہ دوپہر بارہ بجے کے قریب ایک زور دار دھماکے سے صوبائی اسمبلی کی عمارت لرز اٹھی ، متعدد اراکین اسمبلی اور صوبائی ورزاءسمیت سرکاری افسران دروازے کی طرف دوڑ پڑے ، جس پر سپیکر نے اراکین کو آرام سے بیٹھنے کی تاکید کی، اسمبلی کے اندر لوگوں نے دھماکے کی شدت اور اسمبلی پر ممکنہ حملے کو مدنظر رکھتے ہوئے انداز لگایا کہ اسمبلی بلڈنگ پر حملہ ہوا ہے اسمبلی کی عمارت کے اوپر دھویں کا بادل بن گیا تھا تاہم چند منٹ گزرنے کے بعد دھماکے کی اصل جگہ کا تعین ہوگیا اس دوران بھی اسمبلی کا اجلاس معمول کے مطابق جاری تھا اور خان عبدالولی خان یونیورسٹی مردان بل کے حوالے سے قانون سازی ہو رہی تھی تاہم اس دوران صوبائی حکومت کے ترجمان اور وزیر اطلاعات میاں افتخار حسین ایوان سے بار بار نکل کر سکیورٹی اہلکاروں سے معلومات حاصل کرتے رہے، دھماکے کے تقریباً©دس منٹ کے بعد سپیکر نے اسمبلی اجلاس پیر کی صبح تک ملتوی کردیا، اجلاس ختم ہونے کے بعد سینئر صوبائی وزیر بشیربلور اور میاں افتخار حسین ، دیگر صوبائی وزراءاور اراکین اسمبلی جائے وقوعہ پر پہنچ گئے انہوں نے ابتدائی طور پر 30 افراد کے جاں بحق ہونے اور 100سے زائد زخمیوں کی تصدیق کی

دل پشاور

سرحد اسمبلی کا غیر ضروری اجلاس!
ایک ایسے وقت میں جب ملاکنڈ ڈویژن میں عسکریت پسندوں کے خلاف فوجی آپریشن ابھی مکمل نہیں ہوا، خیبر ایجنسی میں کارروائی جاری ہے جبکہ تحریک طالبان کے نئے کمانڈر حکیم اللہ محسود کی ویڈیو منظر عام پر آچکی ہے صوبائی حکومت کو سرحد اسمبلی کا اجلاس نہیں بلانا چاہےے تھا کیونکہ زیادہ تر سکیورٹی اہلکار وہاں اسمبلی بلڈنگ کے چاروں طرف کی سکیورٹی ، صوبائی وزراءاور اراکین کی حفاظت میں مصروف ہوجاتے ہیں، سپیکر کے بقول اسمبلی کا اجلاس اکتوبر کے پورے مہینے کے ساتھ نومبر کے دو ہفتے بھی جاری رہے گا لہذا حکومت کو اسمبلی اجلاس ختم کرکے شہریوں کی جانوں کی حفاظت کےلئے پورے شہر میں سکیورٹی سخت کرنی چاہئے

دل پشاور

پشاور دھماکہ: نیشنل گیمز کا انعقاد خطرے میں
پشاور میں ہونے والے دھماکے بعد 31ویں نیشنل گیمز کا انعقاد خطرے میں پڑ گیا ہے۔ کھیلوں کے یہ مقابلے 16 تا 22 نومبر پشاور میں منعقد ہونے ہیں۔ سیکورٹی خدشات کی باعث نیشنل گیمز اسلام آباد منتقل ہونے کی افواہیں پہلے ہی گردش میں تھیں‘ لیکن گذشتہ روز خیبر بازار بم دھماکے کے بعد قوی امکان ہے کہ 31ویں نیشنل گیمز کا انعقاد پشاور میں نہ کرایا جا سکے۔ یاد رہے کہ 11 نومبر 2008ءکو بین الصوبائی گیمز کی اختتامی تقریب کے دوران قیوم سٹیڈیم کے باہر ہوئے بم دھماکے میں تین افراد ہلاک اور 16 زخمی ہوئے تھے۔

دل پشاور

پشاور کے اہم کاروباری مرکز خیبر بازار میں ہوئے دھماکے سے 10افراد ہلاک جبکہ 40 سے زائد زخمی ہوئے ہیں۔ سب سے زیادہ ہلاکتیں دھماکے کی زد میں آنے والی مسافر بس میں ہوئیں‘ جس میں سوار مسافر خواتین بھی ہلاک ہونے والوں میں شامل ہیں۔ ابتدائی رپورٹس کے مطابق 40 زخمیوں کو قریبی لیڈی ریڈنگ ہسپتال منتقل کیاگیا‘ جبکہ قانون نافذ کرنے والے اداروں سمیت امدادی ٹیموں کے ساتھ فوج بھی جائے وقوعہ پر پہنچ گئی۔ دھماکے کی جگہ سرحد اسمبلی سے ایک کلومیٹر کے فاصلے پر ہے‘ جہاں ہائیکورٹ سمیت دیگر اہم عمارتیں بھی واقع ہیں۔ دھماکے کے وقت سرحد اسمبلی کا اجلاس بھی جاری تھا‘ جس کے لئے اسمبلی کے اطراف میں سخت ترین حفاظتی انتظامات کئے گئے تھے۔ دھماکہ اس قدر شدید تھا کہ اس کی آواز شہر کے مضافاتی علاقوں میں بھی سنی گئی۔ عینی شاہدین کے مطابق دھماکہ خیز مواد ایک سفید رنگ کی گاڑی میں چھپایا گیا تھا‘ تاہم اس بات کی تصدیق نہ ہو سکی کہ دھماکہ خودکش تھا‘ یا اس کے لئے ”ریموٹ کنٹرول ڈیوائس“ استعمال کی گئی۔ دھماکے کی شدت کا اندازہ اس بات سے بھی لگایا جا سکتا ہے کہ خیبر بازار‘ سوئیکارنو چوک اور شعبہ بازار میں کئی دکانوں کے شیشے ٹوٹ گئے جبکہ دھماکے کی جگہ متعدد عمارتیں اور گاڑیوں کو شدید نقصان پہنچا۔ عینی شاہدین کے مطابق‘ دھماکہ انتہائی شدید تھا‘ تاہم اس سے ہونے والا جانی و مالی نقصان اس لئے کم ہے کیونکہ بیشتر بازار جمعة المبارک کی ہفتہ وار تعطیل کے لئے بند ہوتے ہیں‘ تاہم دھماکے کے مقام کے قریب سرکاری و نجی دفاتر اور ہوٹل کھلے ہوئے تھے جبکہ بس سٹاپ پر مسافروں اور راہ گیروں کا رش بھی تھا۔
تفصیلات کے مطابق ‘پشاور کے معروف و مصروف خیبر بازار چوک میں خوفناک دھماکے کے نتیجے میں 10 ا فراد جا ں بحق جبکہ 40 سے زائد زخمی ہوگئے ہیں ۔ دھماکے کے نتیجے میں بڑے پیمانے پر تباہی ہوئی ہے ۔جاںبحق ہونے والوں کی تعداد میں اضافے کا خدشہ ہے ۔ دھماکہ جمعہ کے روز دن کے 12 بجکر 23 منٹ پر ہوا‘ اُس وقت ہوا جب جائے وقوعہ پر لوگوں کی زبردست آمدورفت تھی اور ٹریفک بھی بہت زیادہ تھا ۔ دھماکے کی نوعیت کے بارے میں ابتدائی تحقیقات شروع کردی گئی ہے ‘ تاہم اس بارے میں تاحال مکمل شواہد اکٹھے نہیں کئے جا سکے ہیں۔ دھماکہ اتنا شدید تھا کہ اس سے آس پاس کی عمارتوں کو شدید نقصان پہنچا ہے اور کئی گاڑیاں بھی تباہ ہوئیں ۔زخمیوں کو فوری طورپر قریبی لیڈی ریڈ نگ ہسپتال منتقل کیاگیا اور ہسپتال ذرائع کے مطابق آٹھ لاشوں اور چالیس سے زائد زخمیوں کو ہسپتال پہنچایاگیا ہے ۔ کئی ز خمیوں کی حالت تشویشناک بتائی جاتی ہے ۔ صوبائی وزیر اطلاعات میاں افتخار حسین فوری طورپر دھماکے کی جگہ پہنچے۔ انہو ںنے صحافیوں سے بات چیت کرتے ہوئے کہا کہ‘ ابتدائی اطلاعات کے مطابق دھماکے میں آٹھ سے دس افراد جاںبحق جبکہ چالیس سے زائد زخمی ہوئے ہیں ۔ انہوںنے کہا کہ سرحد اسمبلی کا اجلاس جاری تھا اور ممکن ہے کہ دہشت گردی کا نشانہ اسمبلی ہال ہو لیکن سخت حفاظتی اقدامات کے باعث اسمبلی ہال سے کچھ فاصلے پر واقع خیبر بازار میں دہشت گردی کی واردات کی گئی ۔ انہو ںنے کہا کہ دہشت گردوں کے خلاف جنگ جاری رہے گی اور ہم خوف کے باعث میدان نہیں چھوڑ یں گے اور دہشت گردوں کا بہرصورت پیچھا کیاجائے گا۔ انہوں نے کہا کہ دہشت گرد وں کا ٹارگٹ انسانیت ہے‘ ہم انسانیت کی بقاءکی جنگ لڑ رہے ہیں جبکہ دہشت گرد انسانیت کا خون بہا رہے ہیں۔“
دھماکہ خیبر با زار کے چوک میں ہوا جہاں ایک طرف سوئی کارنو سکوائر چوک واقع ہے اس جگہ پر پائپ اور سینٹری کی بیشمار دکانیں ہیں جبکہ جہاں آس پاس سٹیشنری ،میڈیسن اور دیگر سامان کے بڑے سٹور بھی واقع ہیں ۔ سوئیکارنو سکوائر کی بلڈنگ میں وکلاءکے دفاتر بھی ہیںجس کی پشت پر میڈیسن کی مارکیٹ (کراچی مارکیٹ) اور تین سینما ہال (ارشد‘ آئینہ و صابرینہ) واقع ہیں۔ جائے وقوعہ کے آس پاس پلازے اور بلند عمارتیں بھی واقع ہیں جہاں دکانیں اور دفاتر قائم ہیں ۔
واضح رہے کہ انڈونیشیا کے سابق صدر سوئیکارنو کی یاد میں قائم ”سوئیکار نو سکوائر“ سے ملحقہ بازار جو جمعة المبارک کی ہفتہ وار تعطیل کے باعث بند تھے‘ بڑے نقصان سے بچ گئے ہیں۔ عینی شاہدین کے مطابق اگر دھماکہ خدانخواستہ تعطیل کی بجائے نارمل دن ہوتا تو اس سے جانی و مالی نقصان کا اندیشہ زیادہ تھا۔ دھماکے کے مقام سے کچھ فاصلے پر پشاور ہائی کورٹ ، سرحد اسمبلی کی عمارت و دفاتر اور نشتر ہال واقع ہے‘ جہاں سیکورٹی کے انتظامات انتہائی سخت تھے۔ دھماکے کے فوراً بعد پشاور کے تینوں بڑے ہسپتالوں میں ایمرجنسی نافذ کردی گئی ۔ صوبائی وزیر اطلاعات میاں افتخار حسین اور سی سی پی او پشاور لیاقت علی خان ، پولیس اور دیگر سیکورٹی فورسز کے اہلکاروں کے ہمراہ موقع پر پہنچ کر امدادی کارروئیوں کی نگرانی کی۔ جبکہ جائے وقوعہ پر لوگوں بڑی تعداد نے زخمیوں کو ہسپتال پہنچانے اور دیگر امدادی کارروائیوں میںا نتظامیہ کی مدد کی۔

دل پشاور

پشاور میںہونے والے چند خوفناک دھماکے
28 مارچ 2006: پشاور کے پر ہجوم خیبر بازار میں بم دھماکہ ہوا ‘جس میں کم سے کم 1شخص ہلاک اور 15 زخمی ہوئے۔بم ایک موٹر سائیکل میں نصب کیا گیا تھا۔
22مئی2009: پشاور کے مصروف بازار سینما روڈ پر ہوئے ایک کار بم دھماکے میں 10افراد ہلاک اور 80زخمی ہوئے۔ دھماکہ جمعہ کی شام تصویر محل سینما کے سامنے ہوا ہے۔
09جون 2009: پشاور کے واحد فائیو سٹار ہوٹل (پرل کانٹینیٹل) میں دھماکہ سے13جاں بحق اور 56 سے زائد افراد زخمی ہوئے تھے۔زخمیوں میں ایک صوبائی وزیر ایک سینٹر اور کئی غیر ملکی بھی شامل تھے۔ د ہشتگردوں نے ہوٹل کی سیکیورٹی چیک پوسٹ کو نشانہ بنانے کے بعد ہوٹل کی عمارت کے قریب دھماکہ کیا تھا۔
23 اگست2009: پشاور کے علاقے مومن ٹاو¿ن میں ہوئے ایک خودکش دھماکے میں حملہ آور سمیت 3افراد ہلاک اور 11 زخمی ہوئے تھے۔ ہلاک ہونے والوں میں 2خواتین شامل تھیں۔
26 ستمبر2009: پشاور اور ضلع بنوں میں ہونے والے بم دھماکوں میں کم از کم 16افراد ہلاک اور 100سے زائد زخمی ہو ئے تھے۔ پشاور پولیس کے مطابق سنیچر کی دوپہر صدر بازار کے علاقے میں ایک نجی بینک کی عمارت کے سامنے زوردار دھماکہ ہوا جس سے دس افراد ہلاک اور 55زخمی ہوئے۔ایک ہی روز ہونے والے 2 دھماکوں میں مجموعی طور پر 21 افراد ہلاک ہوئے تھے۔

راجہ اکرام

اللہ میرے ملک کی حفاظت فرمائے۔ آمین
اور ہمیں‌ ہدایت عطا فرمائے۔۔ آمین
شہداء کو بہترین اجر اور لواحقین کو صبر جمیل عطا فرمائے۔۔ آمین

__________________
محتاج اصلاح و دعا

wajee

بہت افسوس ہو رہا ہے اتنی قیمتی جانوں کا نقصان افسوس

بلیک واٹر نے آہستہ آہستہ اپنا کام شروع کر دیا ہے اور اب ان میں تیزی بھی آتی جا رہی ہے

__________________

حیدر

انا للہ و انا علیہ راجعون: اللہ کے نزدیک ایک بے گناہ مومن کا قتل پوری دنیا کے تباہ ہو جانے سے بھی زیادہ سخت ہے۔ کجا یہ کہ گزشتہ 4 سالوں میں لاتعداد ہلاک کیے جا چُکے۔
اس دنیا میں ہر کوئی اپنی آگ خود لے کر آتا ہے۔ ہم نے بھی یہ آگ خود چُنی ہے۔