پشاور:پخہ غلام ميں دھماکہ، کالعدم تنظيم کے امير سميت 3 افراد جاں بحق
Date : 1/30/2012 5:55:00 PM Updated at 17:55 PST
پشاور … پشاور کے نواحي گاو?ں پخہ غلام کے زير تعمير مکان پر خود کش حملے ميں خيبر ايجنسي کي کالعدم انصار الاسلام کے امير حاجي اخونزادہ سميت 3 افراد جاں بحق ہوگئے جبکہ دھماکے ميں دو بچوں سميت 8 افراد زخمي بھي ہوئے ہيں. زخميوں کو ليڈي ريڈنگ اور ديگر اسپتالوں ميں منتقل کرديا گيا ہے، اسپتال ذرائع کے مطابق 5 زخميوں کي حالت تشويشناک ہے ،جن کي جان بچانے کي کوششيں کي جارہي ہيں، دھماکے ميں مزيد ہلاکتوں کا بھي خدشہ ہے. ڈي سي او پشاور سراج احمد خان کے مطابق پخہ غلام ميں حاجي اخونزادہ کے زير تعمير مکان پر خود کش حملہ آور نے خود کو دھماکے سے اڑاليا جس کے نتيجے ميں انصار الاسلام کے امير حاجي اخونزادہ داماد سميت جاں بحق ہوگئے. ان کا کہنا تھا کہ کارروائي کالعدم تنظيموں کے درميان اختلافات کا نتيجہ ہوسکتي ہے. نمائندہ جيو کے مطابق پوليس نے تصديق کي ہے کہ دھماکہ خود کش تھا اور جائے وقوعہ سے خود کش حملہ آورکے کچھ اعضا بھي ملے ہيں. پوليس ذرائع کے مطابق خود کش حملے ميں 3 کلو دھماکہ خيز مواد استعمال کيا گيا ، دھماکے کي آواز کئي کلو ميٹر دور تک سني گئي. پوليس کے مطابق دھماکہ اس وقت ہوا جب مزدور مکان کي تعمير ميں مصروف تھے، زخميوں ميں 2بچے اور مزدور بھي شامل ہيں.
http://www.jang.net/urdu/update_details.asp?nid=33216