وانا (جنگ نیوز) پشاور کے سکول طلبہ نے عیدالاضحی جنوبی وزیرستان میں پاک فوج کے اہلکاروں کے ساتھ منائی اور انہیں عید کے تحائف بھی دیئے۔ سکولوں کے طلبہ آپریشن راہ نجات میں حصہ لینے والے پاک فوج کے جوانوں کے پاس رزمک پہنچ گئے، طلبہ نے جوانوں کو عید کی مبارک باد دی اور انہیں پھول اور تحائف پیش کئے۔ طلبہ کا وزیرستان میں عید منانے کا مقصد گھروں سے دور اگلے محاذوں پر برسر پیکار فوجی جوانوں کا حوصلہ بڑھانا تھا۔ طلبہ کے مطابق قوم کے بچوں کو فوجی جوانوں پر فخر ہے۔ طلبہ جنوبی وزیرستان کے علاقے مکین بھی گئے اور پاک فوج کے اہلکاروں سے ملاقات کی۔ اس موقع پر طلبہ فوجی جوانوں میں گھل مل گئے۔ پاک فوج کے جوانوں کے مطابق وہ دہشت گردی کے خاتمے اور قیام امن کے لئے پرامید ہیں۔

::::::::::کاش ہمارے رہنما بھی یہ حوصلہ کر سکتے :::::::::::::::::::::