پنجاب اسمبلی میں بدترین ہنگامہ، نئے صوبے کی کوئی قرارداد پیش نہ ہوسکی

**گلاب خان** · 12-08-11, 03:01 AM

لاہور (نمائندہ جنگ) پنجاب اسمبلی میں جمعرات کو جنوبی پنجاب کو صوبہ بنانے کی قرارداد پر ایوان میں زبردست اور بدترین ہنگامہ آرائی ہوئی۔ ارکان نے ایک دوسرے پر حملے کئے اور برا بھلا کہتے رہے۔ بدترین ہنگامہ آرائی کے بعد سپیکر نے اجلاس ایک گھنٹے کیلئے ملتوی کردیا۔ ایک گھنٹے بعد اجلاس شروع ہوا تو دوبارہ ہنگامہ آرائی شروع ہوگئی۔ سپیکر نے جنوبی پنجاب کیلئے چودھری ظہیرالدین، صوبہ بہاولپور کی بحالی کیلئے شاہد انجم اور تھل صوبہ کیلئے حیدر نور نیازی کو قراردادیں پیش کرنے کی اجازت نہ دی۔ اس پر پیپلزپارٹی اور (ق) لیگ کے ارکان مشتعل ہوگئے اور پنجاب حکومت کیخلاف نعرے بازی کی۔ بعدازاں سپیکر نے اجلاس غیرمعینہ مدت کیلئے ملتوی کردیا۔ قبل ازیں اجلاس شروع ہوا تو ارکان نے تینوں قراردادیں پیش کرنے کی اجازت چاہی۔ اسی دوران جے یو پی کے علی حیدر نور نے تقریر کرتے ہوئے پیپلزپارٹی پر تنقید کی تو فوزیہ بہرام اپنی نشست سے اٹھ کر آئیں اور ان کو دھکے دیئے۔ حیدر نور نے بھی جواباً کچھ جملے کہے اس پر ایوان مچھلی منڈی بن گیا۔ حکومتی ارکان حیدر نور کے تحفظ کیلئے ان کے پاس آگئے۔ سپیکر کی بات کسی نے نہ سنی۔ اس پر اجلاس ایک گھنٹے کیلئے ملتوی ہوگیا۔ ایک گھنٹے بعد اجلاس دوبارہ شروع ہوا تو سپیکر نے حیدرنور سے معذرت کرنے کو کہا لیکن انہوں نے انکار کردیا۔ چودھری ظہیرالدین نے جنوبی پنجاب کی قرارداد پیش کی تو حکومتی ارکان نے اپوزیشن کو غدار کہا جس پر ہنگامہ آرائی دوبارہ شروع ہوگئی۔ ایک دوسرے کو ذومعنی الفاظ کہے گئے۔ اس پر سپیکر نے اجلاس کو غیرمعینہ مدت کیلئے ملتوی کردیا۔ اجلاس ملتوی کرنے پر پیپلزپارٹی کے ارکان نے اسمبلی کی سیڑھیوں پر بیٹھ کر جنوبی پنجاب کو صوبہ بنانے کے حق میں مظاہرہ کیا اور دھرنا دیا۔ اجلاس کے بعد سپیکر نے میڈیا سے گفتگو میں کہا کہ الگ صوبے کی قرارداد آئین سے متصادم ہے میں غیرآئینی کام نہیں کرنے دوں گا۔ اپوزیشن لیڈر پی پی کے راجہ ریاض نے اسمبلی میں اور باہر گفتگو میں کہا کہ تخت لاہور تمام فنڈ رائیونڈ پر لگا رہا ہے۔ حکومتی ارکان گماشتے ہیں اگر حق مانگنا غداری ہے تو یہ بار بار کریں گے۔ جنوبی پنجاب بن کر رہے گا اور تحت لاہور الٹ جائے گا۔ اگر جنوبی پنجاب کے عوام کو حق نہ دیا گیا تو وہ سڑکوں پر آجائیں گے۔ چند چماٹ جنوبی پنجاب کی آواز نہیں دبا سکتے۔ تخت لاہور سمجھ لے کہ مغل بادشاہوں کا دور ختم ہوچکا ہے۔ (ق) لیگ کے پارلیمانی لیڈر چودھری ظہیرالدین نے کہا کہ یہ کہنا کہ نئے صوبوں سے ملک کمزور ہوگا، غلط ہے۔ اگر کسی نے جنوبی پنجاب صوبے کی مخالفت کرنی ہے تو کھل کر کرے اب جنوبی پنجاب کو شوگر کوٹڈ گولی نہیں ماری جاسکتی۔ مطالبہ رد کیا گیا تو پرامن مطالبہ کوئی اور بھی شکل اختیار کرسکتا ہے۔ حساس ایشو کو حکومتی بنچوں نے مذاق بنا دیا۔ وزیر قانون رانا ثناءاللہ نے کہا کہ (ن) لیگ نئے صوبوں کی مخالف نہیں لیکن یہ لسانی بنیادوں پر نہ ہوں یہ سنجیدہ معاملہ ہے۔ قرارداد پہلے قومی اسمبلی میں پیش ہونی ضروری ہے بابر اعوان نے شرارت کرکے پنجاب اسمبلی میں پیش کروا دی ہے۔ راجہ ریاض کے بونگیاں مارنے سے نیا صوبہ نہیں بنے گا۔

روزنامہ جنگ راولپنڈی

**عبدالقدوس** · 12-08-11, 04:34 AM

راجہ ریاض کے بونگیاں مارنے سے نیا صوبہ نہیں بنے گا۔

**نیلم خان** · 12-08-11, 06:19 AM

اقتباس:

اصل مراسلہ منجانب : عبدالقدوس

راجہ ریاض کے بونگیاں مارنے سے نیا صوبہ نہیں بنے گا۔

تو کیا خیال ہے پھر آپ کا

12-08-11, 04:34 AM	#2
عبدالقدوس Administrator تاریخ شمولیت: May 2007 مقام: گوگل عمر: 24 مراسلات: 25,294 کمائي: 2,346,353 شکریہ: 18,821 12,630 مراسلہ میں 29,416 بارشکریہ ادا کیا گیا	راجہ ریاض کے بونگیاں مارنے سے نیا صوبہ نہیں بنے گا۔ Share Share this post on Digg Del.icio.us Technorati Twitter Facebook!

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Similar Threads
موضوع	موضوع شروع کیا	فورم	جوابات	آخری مراسلہ
بھارت کا خلا میں سیٹلائٹ بھیجنے کا منصوبہ بری طرح ناکام	ALI-OAD	خبریں	1	26-12-10 10:02 AM
گندم پیداوار میں اضافے کا منصوبہ، 12 کروڑ سے 200 گرام بیج حاصل ہوسکا	گلاب خان	خبریں	2	14-07-10 09:50 AM
حضور اکرم صلی اللہ علیہ وسلم تلوار دے کر بھیجے گیئے ہیں	sahj	مطالعہ حدیث	2	19-08-09 06:24 PM
صوبہ سرحد:ایڈیشنل ایڈووکیٹ جنرل کے عہدے پر تقرریاں نہ ہوسکیں	عبدالقدوس	خبریں	0	17-04-08 08:11 AM
موسموں کی صورت میں گو جدا بھی رہتا ہے	عائشہ	شعر و شاعری	2	24-09-07 10:55 AM

Currently Active Users Viewing This Thread: 1 (0 members and 1 guests)