ہری پور…پاکستان مسلم لیگ ن کے قائد میاں نواز شریف نے کہا ہے کہ ق لیگ والے ہزارہ میں لاشوں کی سیاست کرنے آئے ہیں، ہم نے پہلے ہی بھانپ لیا تھا خیبر پختونخواہ نام پر گڑبڑ ہوگی، ن لیگ نے کسی سے دھوکے بازی نہیں کی،یہاں پریس کانفرنس سے خطاب کرتے ہوئے سابق وزیراعظم نے مزید کہا کہ جب آئینی پیکیج پر میں نے مکمل اتفاق رائے حاصل کرنے کو کہا تھا تو مجھ پر یہ الزام عائد کیا گیا کہ مجھے کئی سے فون آیا ہے اور کہا گیا کہ میں آئینی پیکیج کی راہ میں رکاوٹ ہوں مگر آج یہ ثابت ہوگیا کہ ہمار ا موقف درست تھا اگر اسے مان لیا جاتا تو یہ صورتحال نہ ہوتی۔انھوں نے کہا کہ پہلے بھی کہا تھا کہ سترہویں ترمیم کو کسی اور چیز سے نتھی نہ کیا جائے،یہ ترمیم جس طرح آئین کا حصہ بنی تھی اسے اسی طرح سے باہر پھینکنا چاہیے،انھوں نے کہا کہ ہزارہ کے عوام کے ساتھ ہمارے نہایت گہرے رشتے ہیں،ہم قربانی نہ دیتے تو آئینی پیکیج کا بل منظور ہونا مشکل ہوتا،ہزارہ کی آگ بجھانے کے لیے دوسرے سیاستداں بھی کردار ادا کریں ،انھوں نے کہا کہ ہم نے مشاورت سے پختونخواہ کے ساتھ خیبر کا نام شامل کرایا تھا،ہم کسی کو بھی ہزارہ میں چوہدراہٹ نہیں کرنے دینگے۔شکست خوردہ لوگوں نے بدلہ لینے کے لیے لاشوں کی سیاست کی۔نواز شریف نے کہا کہ جن لوگوں نے آگ لگائی ہے انکا محاسبہ ہونا چاہیے۔
--------------------------
روزنامہ جنگ

__________________


http:// haroonazam.wordpress.com

ھارون اعظم کا بلاگ۔