|
پیپلز پارٹی سے قربتیں بڑھ رہی ہیں، آئندہ سال الیکشن کا موسم شروع ہوجائے گا، شجاعت حسین
27-12-10, 04:15 AM
لاہور (نمائندہ جنگ،این این آئی) مسلم لیگ ق کے صدر چوہدری شجاعت حسین نے کہا ہے کہ پیپلز پارٹی کے ساتھ قربتیں بڑھ رہی ہیں اب صرف مسلم لیگیوں کی بجائے تمام جماعتوں کا اتحاد بننا بہتر ہے۔ بلدیاتی انتخابات نہیں کرائے جائیں گے اس لئے سیاسی کارکن عام انتخابات کی تیاریوں میں مصروف ہیں۔ کچھ لوگ وقتی لوٹے بن گئے ہیں تاہم یہ سارے واپس آ جائیں گے۔ پیپلز پارٹی کی رہنما شبینہ ریاض شیخ کے بڑے بھائی اور سابق ایڈیشنل ڈی جی ایف آئی اے احمد ریاض شیخ سے ان کے بڑے برادر نسبتی کی تعزیت اور فاتحہ خوانی کے بعد ان کی رہائش گاہ پر میڈیا سے گفتگو کرتے ہوئے چوہدری شجاعت نے مزید کہا کہ اگلے سال الیکشن کا موسم شروع ہو جائے گا اور یہ آنے والا وقت ہی بتائے گا کہ کون کس کے ساتھ مل کر اتحاد بناتا ہے اب صرف مسلم لیگیوں کا اتحاد ہی وقت کی ضرورت نہیں رہا ہے بلکہ جمہوریت کی بقا اور استحکام کیلئے تمام سیاسی جماعتوں کا اتحاد ہونا چاہئے۔ انہوں نے کہا کہ بلدیاتی انتخابات نہیں کرائے جائیں گے بالخصوص پنجاب حکومت تو بلدیاتی انتخابات نہیں کرائے گی کیونکہ بلدیاتی انتخابات سے ن لیگ کی مقبولیت کا بھانڈا پھوٹ جائے گا لہٰذا عام انتخابات میں بدترین شکست سے بچنے کیلئے ن لیگ بلدیاتی انتخابات کو التوا میں ڈال رہی ہے۔ موجودہ سیاستدانوں کو بھٹو سے تشبیہہ نہیں دی جا سکتی اور شہباز شریف کو بھٹو سے ملانا ٹھیک نہیں۔ انہوں نے کہا کہ محترمہ بے نظیر بھٹو کے قتل کی تحقیقات کی ابھی تک سمجھ نہیں آ سکی اور نہ ہی حکومت اس ضمن میں حقائق سامنے لا رہی ہے۔ ایک سوال کے جواب میں چوہدری شجاعت نے کہا کہ انقلاب حکومتوں کے خلاف آتا ہے اور ن لیگ خود حکومت میں ہے وہ حکومت میں رہ کر کیسے انقلاب لا سکتی ہے؟
روزنامہ جنگ راولپنڈی
__________________
(وَقُل رَّبِّ ارْحَمْهُمَا كَمَا رَبَّيَانِي صَغِيرًا) اے میرے رب جس طرح انہوں نے مجھے بچپن سے پالا ہے اسی طرح تو بھی ان پر رحم فرما۔ (الاسراء: 23)
|
گلاب خان
Senior Member
تاریخ شمولیت: Oct 2008
مقام: راولپنڈی
مراسلات: 4,509
شکریہ: 1,551
2,978 مراسلہ میں 8,237 بارشکریہ ادا کیا گیا
|
|
27-12-10, 04:15 AM
Linear Mode
Similar Threads
