پیپلز پارٹی کارکنوں کو اکیلا نہیں چھوڑے گی، غلام علی نظامانی



ٹنڈو باگو (نامہ نگار) این اے 224 بدین I سے پیپلز پارٹی کے امیدوار غلام علی نظامانی نے کہا ہے کہ محترمہ بے نظیر بھٹو کی شہادت کے بعد انتظامیہ خاص طور پر پولیس مبینہ طور پر پیپلز پارٹی کے کارکنوں کے ساتھ زیادتیاں کر رہی ہے انہوں نے صحافیوں سے گفتگو کرتے ہوئے کہا کہ مخالفین پولیس سے اسٹیشنوں میں بیٹھ کر پیپلز پارٹی کے کارکنوں کے خلاف فہرستیں بنا کر مقدمات درج کرا رہے ہیں انہوں نے پیپلز پارٹی کے کارکنوں کے خلاف انتقامی کارروائی کی مذمت کرتے ہوئے کہا کہ پیپلز پارٹی اپنے کارکنوں کو اکیلا نہیں چھوڑے گی پیپلز پارٹی کے کارکنوں کے خلاف درج کیے گئے مقدمات جھوٹے ہیں جبکہ ہنگامہ آرائیں میں اور سرکاری نجی املاک کو نقصان پہنچانے میں حکومتی جماعت کے کارکن ملوث ہیں یہ پیپلز پارٹی کے خلاف ایک سازش ہے۔