پی آئی اے نے کرایوں میں اضافہ کردیا، اطلاق 23 نومبر سے 2 دسمبر کے دوران ہو گا
کراچی ……… قومی ایئرلائن پی آئی اے نے اوپن حج پالیسی کے تحت پرائیوٹ ٹور آپریٹرز کے ذریعے حج پر جانے والوں کے لئے فضائی کرایوں میں اضافہ کردیا ہے جس کا اطلاق 23 نومبر سے 2 دسمبر 2008ء کے دوران حج کے لئے سفر کرنے والوں پر ہوگا ۔ نوٹیفکیشن کے مطابق پرائیوٹ ٹور آپریٹرز کے زریعے حج پر جانے والوں کے لئے اب کراچی اور کوئٹہ سے جدہ کا ریٹرن ٹکٹ اکانومی کلاس میں ایک لاکھ روپے اور بزنس کلاس میں ایک لاکھ 25 ہزار روپے ہوگا جبکہ اسلام آباد، لاہور ، پشاور ، ملتان ، فیصل آباد اورسکھر سے جدہ جانے والی پروازوں کا ریٹرن ٹکٹ اکانومی کلاس میں ایک لاکھ 20 ہزار روپے اور بزنس کلاس میں ایک لاکھ 25 ہزار روپے کا ہوگا ، حج کرایوں میں اضافہ 15 ہزار روپے ہوا ہے ۔
٭٭٭٭٭٭٭٭٭٭٭٭٭