کراچی…پی آئی اے کا حج آپریشن جاری ہے ، اورتاخیر سے آنے والی حج پروازوں کی سنچری بھی مکمل ہوگئی ہے۔ پی آئی اے کی ایک سو ایک حج پروازوں میں سے صرف ایک پرواز بروقت پہنچی ہے ۔سعودی عرب میں موجود پاکستانی حجاج کی وطن واپسی کے سفرمیں مشکلات کم ہونے کا نام نہیں لے رہیں۔ حجاج کرام کو وطن واپس لانے والی پی آئی اے کی پروازوں میں کئی کئی گھنٹوں کی تاخیر کا سلسلہ جاری ہے ۔ پی آئی اے کی ابتک آنے والی ایک سو ایک حج پروازوں میں تاخیر کا تناسب99 فیصد ہے ،ایک سو ایک پروازوں کیذریعے بیالیس ہزار حجاج کراچی وطن واپس پہنچ چکے ہیں ۔واپس آنیوالے کئی حجاج کرام کا کہنا ہے کہ انہیں انکا سامان اب تک نہیں مل سکا ہے ۔پی آئی اے کی حج پروازوں کے ذریعے حجاج کرام کی وطن واپسی21 دسمبر کو مکمل ہوگا ، پی آئی اے255 حج پروازوں کے ذریعے ایک لاکھ تین ہزار حاجیوں کو وطن واپس لارہی ہے۔

__________________
جاویداسد