18 اگست 2010
لاہور(مانیٹرنگ ڈیسک)پاکستان کرکٹ بورڈ نے سرلنکن کرکٹ بورڈ پر حملے کی رپورٹ آئی سی سی کو بھیج دی ہے۔ سری لنکن ٹیم پر لاہور کے لبرٹی چوک میں حملہ تین مارچ 2009 ءکو ہوا۔ اس میں آٹھ افراد مارے گئے اور اس کے ساتھ ہی پاکستان سے انٹرنیشنل کرکٹ رخصت ہو گئی تھی۔ انٹرنیشنل کرکٹ کونسل کو دبئی آفس میں تین اگست کو آفیشل رپورٹ موصول ہوئی۔ کونسل کے ترجمان کا کہنا ہے کہ یہ رپورٹ خفیہ ہے اور اس کی تفصیلات سے آگاہ نہیں کیا جا سکتا۔ اس سے پہلے چیئرمین اعجاز بٹ کا کہنا تھا کہ وہ پنجاب حکومت کی طرف سے ملنے والی خفیہ رپورٹ کو بغیر اجازت نہیں بھیج سکتے اور اب حکومت پنجاب نے اس کی اجازت دے دی تھی۔ لاہور ہائی کورٹ کے جج شبر رضوی نے600 صفحات پر مشتمل اس رپورٹ کو تیار کیا تھا۔

__________________
جاویداسد