کراچی ۔ سندھ نیشنل فرنٹ کے سربراہ سردار ممتاز علی بھٹو نے کہاہے کہ جس سیاسی پارٹی کو صدر زاداری نے قاتل لیگ کا لقب دیا اسکے ساتھ اقتدار کی خاطر اتحاد اور احمد رضا قصوری جس کی فریاد پر ذولفقار علی بھٹو کو پھانسی دی گئی اس کو نواز شریف کے خلاف اپنا وکیل مقرر کرنا بے نظیر بھٹو اور ذوالفقار علی بھٹو کے ساتھ کھلم کھلاغداری ہے۔گزشتہ روز جاری اپنے بیان میں ممتاز علی بھٹو نے کہا کہ انہوںنے کہا کہ پی پی پی اب زرداری پارٹی ہے اور اسے زرداری کے نام سے ہی چلنا چاہیے اب اسے بھٹو کا نام استعمال کرنے کا کوئی حق نہیں ہے ۔انہوںنے کہا کہ بھٹوخاندان کے وفادار اور سچے لوگ اس قسم کا دھوکہ برداشت نہیں کریں گے کیونکہ یہ بھٹو کے دیئے گئے منشور کے برخلاف ہے۔

اس سے پہلے بھی ممتاز بھٹو اپنے ایک بیان میں کہ چکے ہیں

میر مرتضی بھٹو سمیت چار قتل اور رشوت خوری کے مقدمات میں جیل کاٹنے والے اگر آصف علی زرداری ہیرو اور سیاسی رہنما بن سکتا ہے تو پھر ہزار ہا قاتل اور چور جو نہ صرف مجرم ، سزا یافتہ بلکہ تختہ دار چڑھ چکے ہیں ان کو بھی بڑا سیاسی رہنما اور سیاستدان کہنا چاہئے ۔
اس قوم کی یہ کتنی بدقسمتی ہے کہ جرائم پیشہ اور بد کردار لوگ نہ صرف مل کی سیاست بلکہ حکومت پر بھی قابض ہیں