|
پی پی کو نکال کر یونیفکیشن بلاک کو پنجاب حکومت میں شامل کرنیکا فیصلہ
24-02-11, 04:53 AM
لاہور (آئی این پی) مسلم لیگ (ن) نے پنجاب حکومت سے پیپلز پارٹی کو نکالنے کیلئے مسلم لیگ (ن) کے قائد نواز شریف کی زیر صدارت بدھ کو رائے ونڈ میں ہونےوالے اعلیٰ سطحی اجلاس میں صلاح مشورے کئے گئے۔ (ن) لیگی ذرائع کے مطابق پارٹی قیادت پیپلز پارٹی کو صوبائی حکومت سے علیحدہ کرکے (ق) لیگ کے یونیفیکیشن بلاک کو حکومت میں شامل کرنے کا اصولی طور پر فیصلہ کرچکی ہے۔ ذرائع کے مطابق رائے ونڈ میں مسلم لیگ (ن) کے قائد میاں محمد نواز شریف کی زیر صدارت ہونے والے پارٹی کے سینئر رہنماﺅں کے اجلاس میں حکومت کو دیئے جانے والے دس نکاتی ایجنڈے پر اب تک کی پیش رفت کا تفصیلی جائزہ لیا گیا۔ ذرائع کے مطابق اجلاس کے دوران حکومتی ٹیم سے مذاکرات کرنے والی مسلم لیگ (ن) کی ٹیم نے سینیٹر اسحاق ڈار کی سربراہی میں نواز شریف کو تفصیلی بریفنگ دی۔ اس موقع پر نواز شریف نے کہا کہ حکومت شروع سے ہی دس نکاتی ایجنڈے پر عمل درآمد کیلئے سنجیدہ نظر نہیں آرہی تھی جبکہ ہمارے ایجنڈے کے کئی نکات ایسے ہیں جن پر حکومت چند دنوں میں عمل درآمد کرسکتی تھی لیکن 45 روز ہونے کے باوجود عمل درآمد نہیں کیا گیا۔ ذرائع کے مطابق اجلاس کے دوران پارٹی کے سینئر رہنماﺅں نے نواز شریف کو مشورہ دیا کہ پنجاب سے پیپلز پارٹی کے وزراءکو کابینہ سے نکال کر خالی ہونے والی وزارتوں کو مسلم لیگ (ق) کے یونیفیکیشن بلاک کے ارکان کو دیا جائے۔ ذرائع نے کہا ہے کہ پارٹی کے سینئر رہنماﺅں کے مشورے کے بعد نواز شریف نے پیپلز پارٹی کو پنجاب حکومت سے نکالنے کا اصولی فیصلہ کرلیا ہے۔ ذرائع نے بتایا کہ مسلم لیگ (ق) کے یونیفکیشن بلاک کو پنجاب میں دو وزارتیں دینے کا فیصلہ کیا گیا ہے جبکہ یہ وزارتیں یونیفیکیشن بلاک کے سربراہ عطاءمانیکا اور اسمبلی میں پارلیمانی لیڈر ڈاکٹر طاہر کو دی جائیں گی۔ ذرائع نے یہ بھی بتایا کہ مسلم لیگ (ن) کے سینئر رہنماﺅں کے ساتھ مشاورت کے بعد یونیفیکیشن بلاک کو مزید وزارتیں بھی دی جاسکتی ہیں۔
روزنامہ جنگ راولپنڈی
__________________
(وَقُل رَّبِّ ارْحَمْهُمَا كَمَا رَبَّيَانِي صَغِيرًا) اے میرے رب جس طرح انہوں نے مجھے بچپن سے پالا ہے اسی طرح تو بھی ان پر رحم فرما۔ (الاسراء: 23)
|
گلاب خان
Senior Member
تاریخ شمولیت: Oct 2008
مقام: راولپنڈی
مراسلات: 4,509
شکریہ: 1,551
2,978 مراسلہ میں 8,237 بارشکریہ ادا کیا گیا
|
|
24-02-11, 04:53 AM
Linear Mode
Similar Threads
