|
پی پی کے کارکنوں اور لیڈروں میں نیا ولولہ بابر اعوان اور چیف جسٹس کے مثبت سگنل
14-04-11, 05:53 AM
اسلام آباد (طاہر خلیل) ذوالفقار علی بھٹو کے مقدمے کو ری اوپن کرنے کے حوالے سے ملک میں پی پی پی کے کارکنوں اور لیڈروں میں ایک نیا ولولہ پیدا ہوا ہے اور اس کا باعث صدر زرداری اور سابق وزیر قانون ڈاکٹر بابر اعوان کی طرف سے 32سالہ پرانے مقدمے کو دوبارہ شروع کرانے کے لئے دائر کیا جانے والا آئینی ریفرنس ہے۔ اس ریفرنس کی پیروی کیلئے تین سال تک پارلیمنٹ میں گونجنے والی حکومتی بنچوں کی آواز پارلیمنٹ کی راہداریوں سے نکل کر سپریم کورٹ پہنچ گئی ہے لیکن بدھ کو سابق وزیرقانون ڈاکٹر بابر اعوان کو قومی اسمبلی کی مہمانوں کی گیلری میں جس طرح شاندار استقبال ملا وہ اس سے پہلے کسی سابق وزیر کے حصے میں نہیں آیا۔ صدر زرداری نے بھٹو ٹرائل کو اس صدی کا ٹرائل قرار دیتے ہوئے اپنے چند بااعتماد لیڈروں سے کہا تھا کہ وہ اس کی حکمت عملی اپنے تک رکھنا چاہتے ہیں کیونکہ دیواروں کے بھی کان ہوتے ہیں۔ ڈاکٹر بابر اعوان اور چیف جسٹس نے پیشہ وارانہ انداز میں مثبت سگنل دیئے۔ بھٹو کے وکیل کی حیثیت سے سابق وزیر قانون نے یہ کہہ کر لوگوں کی آنکھیں غمناک کیں کہ آج میں وہاں کھڑا ہوں جہاں بھٹو مرحوم نے یہ مصرعہ پڑھا تھا۔
درداں دی جاری دلڑی علیل اے
اور پھر انہوں نے کہا کہ مائی لارڈ یہ مقدمہ بابر اعوان نہیں بلکہ ذوالفقار علی بھٹو خود لڑے گا۔ دوران سماعت آج بڑا بنچ تشکیل ہوگا اور بھٹو مرحوم کے لئے چاروں صوبوں سے عدالتی معاونین مقرر کئے جائیں گے۔ قانونی مبصرین کا خیال ہے کہ آج ہی عدالت بھٹو ٹرائل کے حوالے سے بچ جانے والے استغاثہ اور دفاع کے کچھ زندہ وکلاءکو بھی طلب کرے گی جبکہ ڈاکٹر بابر اعوان آج ابتدائی دلائل میں کیس کو اوپن کر دینگے۔ باخبر حلقوں کے مطابق چیف جسٹس اس کیس کو ترجیحی بنیادوں پر روزانہ کی بنیاد پر ملنا چاہئے۔ توقع کی جا رہی ہے کہ سپریم کورٹ کی بھٹو کیس ری اوپن کرنے کی کارروائی بین الاقوامی توجہ حاصل کرے گی۔
روزنامہ جنگ راولپنڈی
__________________
(وَقُل رَّبِّ ارْحَمْهُمَا كَمَا رَبَّيَانِي صَغِيرًا) اے میرے رب جس طرح انہوں نے مجھے بچپن سے پالا ہے اسی طرح تو بھی ان پر رحم فرما۔ (الاسراء: 23)
|
گلاب خان
Senior Member
تاریخ شمولیت: Oct 2008
مقام: راولپنڈی
مراسلات: 4,509
شکریہ: 1,551
2,978 مراسلہ میں 8,237 بارشکریہ ادا کیا گیا
|
|
14-04-11, 05:53 AM
Linear Mode
Similar Threads
