چارسدہ...چارسدہ میں عوامی نیشنل پارٹی کے سربراہ اسفند یارولی کے حجرے میں خودکش حملہ ہوا جس میں ان کے محافظ سمیت پانچ افراد ہلاک ہوگئے ہیں۔ ذرائع کے مطابق چارسدہ کے ولی باغ میں لو گوں کی بڑی تعداداے این پی کے سربراہ اسفند یارولی سے عید ملنے کے لیے آئے ہوئے تھے کہ اس دوران ان کے حجرے میں نامعلوم شخص نے زبردستی داخل ہونے کی کوشش کی اور مزاحمت پر اللہ اکبر کا نعرہ لگاکر اندر کی جانب بھاگا ۔ اس دوران اسفند یا رولی کے محافظ اور پولیس نے ان پر دونوں جانب سے فائرنگ کی جس پر وہ زخمی ہو کر نیچے گرا اس دوران ایک دھماکا ہوا جس سے اسفند یاردلی کا محافظ سمیت چار افراد جاں بحق ہوگئے ۔ذرائع کا کہنا ہے کہ دھماکے کے وقت اسفند یار 20فٹ کے فاصلے پر موجود تھیتاہم وہ اس حملے میں محفو ظ رہے ہیں۔آئی جی سرحد ملک نوید نے دھماکے میں چار افراد کے جاں بحق ہونے کی تصدیق کرتے ہوئے بتایا کہ اسفند یار ولی بخیریت ہیں اور علاقے کو گھیرے میں لے لیا گیا ہے۔اطلاعات کے مطابق اسفندیار ولی اپنے اہل خانہ سمیت ہیلی کاپٹر کے ذریعے اسلام آباد منتقل ہوگئے۔

ادھر عوامی نیشنل پارٹی کے سربراہ اسفندیارولی نے کہاہے کہ انتہاپسندوں کوحملے کابھرپورجواب دیں گے ۔پختوانخواہ کی سرزمین پرانتہاپسندوں کو قابض نہیں ہونے دیں گے ۔ولی باغ میں بم حملے کے بعد میڈیاسے گفتگوکرتے ہوئے اسفندیارولی نے کہاکہ اے این پی انتہاپسندی کے خلاف اپنی جدوجہدجاری رکھے گی۔انہوں نے کہاکہ صرف ان لوگوں سے مذاکرات ہوں سکتے ہیں جوہتھیارپھینک کرحکومت کی عمل داری کوتسلیم کریں گے ۔انہوں نے کہاکہ مارنے والے سے بچانے والا بہت بڑاہے ۔جب تک اےاین پی کاایک کارکن بھی زندہ ہے اپنی جدوجہدجاری رکھیں گےعوامی نیشنل پارٹی کے سربراہ اسفند یار ولی نے کہا ہے ایسے سو خدکش حملے بھی ہمیں اپنے اصولوں سے نہیں ہٹا سکتے ہم اپنی دھرتی کو دہشتگردوں کے حوالے ہیں کریں گے انہوں نے کہا کہ اے ،ایں ،کا آخری کارکن کے زندہ رہنے تک ہم اپنی سیاست کے اصولوں کو تبدیل نہٰں کریں گے ۔
انہوں نے کہا کہ میں رہوں یا نہ رہوں ہم دہشتگردوں اور انتہا پسندوں کے آگے ہتھیار نہیں ڈالیں گے انہوں نے کہا کہ یہ سیاست کا کون سا طریقہ ہے انہوں نے کہا کہ اے ایں پی باچا خان کے عدم تشد کے فلسفے پر عمل پیرا رہے گی۔