قائد اعظم کی اہلیہ ، صدر قازقستان، صدر گبون عمر بونگھ، برطانوی صحافی ایوان رڈلے مشرف بہ اسلام ہوئے
لاہور (صابر شاہ ) سابق برطانوی وزیر ٹونی بلیئر کی سالی نورین بوتھ تاریخ میں اسلام قبول کرنے کی پہلی مثال نہیں ہیں بلکہ لورین سے قبل متعدد نامور شخصیات قبول اسلام کی سعادت حاصل کر چکی ہیں، پرانا مذہب ترک کرکے نیا مذہب اختیار کرنے والوں میں چار صدور بھی شامل ہیں، تاہم ان میں سے دو اپنے اپنے سیاسی مقاصد اور مصلحتوں کے تحت اسلام سے منحرف ہوگئے۔ قازقستان کے موجودہ صدر نور سلطان نذر بائیوف اور گبون کے صدر عمر بونگھ کے قبول اسلام سے گبون میں تیزی سے اسلام پھیلا۔ ارجنٹائن کے سابق صدر کارلوس مینم کی پرورش بطور مسلمان ہوئی، تاہم وہ اپنے سیاسی مقاصد کی وجہ سے مسیحی بن گئے۔ اسی طرح بینن کے صدر میتھیو بھی اپنی سیاسی مصلحتوں کے تحت اسلام قبول کرنے کے بعد منحرف ہو گئے۔ اسلام قبول کرنے والی دیگر عالمی شہرت یافتہ شخصیات میں ہیوی ویٹ باکسنگ چمپئن محمد علی کلے، مائیک ٹائی سن (مالک عبدالعزیز) شامل ہیں۔ بانی پاکستان قائداعظم محمد علی جناح کی دوسری اہلیہ رتن پٹیٹ نے بھی زرتش مذہب ترک کرکے اسلام قبول کر لیا۔ پاکستانی کرکٹ سٹار محمد یوسف (پہلے یوسف یوحنا) نے 2005ء، طالبان کی قید سے رہائی پانے والی برطانوی خاتون صحافی ایوان رڈلے نے 2003ء میں اسلام قبول کیا۔ 1930ء کی دہائی میں معروف شاعر فیض احمد فیض سے شادی کرنے کے بعد ان کی اہلیہ ایلس فیض نے بھی اسلام قبول کیا۔ پاکستانی ٹیم کے سابق کپتان عمران خان کی سابق اہلیہ جمائما خان بھی مسلمان ہو گئیں۔ بھارتی اداکاروں سیف علی خان، سوہا علی خان کی والدہ شرمیلا ٹیگور بھی بھارتی کرکٹ ٹیم کے سابق کپتان نواب منصور علی خان سے شادی کے بعد مسلمان ہو گئیں۔ بھارت کی سپر فلمسٹار دیویا بھارتی (اسلامی نام ثنائ) نے پروڈیوسر ساجد سے شادی کے بعد 20 مئی 1992ء کو اسلام قبول کر لیا، 1993ء میں دیویا بھارتی کی موت آج بھی ایک اسرار ہے۔ معروف بھارتی گلوکار کشور کمار (عبدالکریم ) بھی بالی وڈ کی سٹار مدھو بالا سے شادی کے بعد 1960ء میں مسلمان ہو گئے۔ مدھو بالا مسلمان تھیں اور ان کا نام ممتاز بیگم جہان دہلوی تھا۔ آسکر ایوارڈ یافتہ نامور بھارتی موسیقار اے آر رحمن (اللہ رکھا رحمان) بھی 1989ء میں ہندو مت ترک کرکے حلقہ بگوش اسلام ہوئے، اے آر رحمان کی والدہ کا تعلق مسلمان گھرانے سے تھا۔
روزنامہ جنگ راولپنڈی 
26-10-10, 05:09 AM
26-10-10, 05:09 AM
Linear Mode
Similar Threads
