چاندنی چوک فلائی اوور، چوہڑ چوک انڈرپاس ساڑھے تین ماہ میں تعمیر ہوگا، شہباز شریف سنگ بیناد رکھیں گے

**گلاب خان** · 28-08-11, 03:39 AM

فلائی اوور83کروڑ‘انڈر پاس52 کروڑ روپے سے مکمل ہوگا‘دوسرے مرحلے پر سیکستھ روڈ چوک پر فلائی اوور‘نازسینما سے فیفتھ روڈ چوک تک اپ گریڈیشن ہوگی
معیار پر کوئی سمجھوتہ نہیں ہوگا‘وزیراعظم توانائی کے منصوبوں پر تاخیر کرنے والوں کے خلاف سخت کارروائی کریں‘وزیراعلیٰ پنجاب

راولپنڈی‘ لاہور (سٹاف رپورٹر‘ ثناءنیوز) مری روڈ راولپنڈی پر بے نظیر بھٹو شہید ہسپتال کے قریب راول روڈ چوک اور چاندنی چوک پر فلائی اوور جبکہ چوہڑ چوک پشاور روڈ پر انڈر پاس تعمیر کیا جائے گا‘ وزیر اعلیٰ پنجاب محمد شہباز شریف آئندہ ماہ ان دونوں منصوبوں کا سنگ بنیاد رکھیں گے۔ راول روڈ چوک اور چاندنی چوک مری روڈ پر فلائی اوور 83 کروڑ روپے جبکہ چوہڑ چوک انڈر پاس 52 کروڑ روپے سے زائد فنڈ سے مکمل کیا جائے گا۔ دوسرے مرحلے میں سیکتھ روڈ چوک مری روڈ پرفلائی اوور تعمیر کیا جائے گا۔اس منصوبے کے تحت ناز سینما سے ففتھ روڈ چوک تک مری روڈ کی بھی اپ گریڈیشن اور بہتری کی جائے گی۔اس بات کا فیصلہ وزیر اعلیٰ پنجاب محمد شہباز شریف کی زیر صدارت پنجاب ہاﺅس اسلام آباد میں راولپنڈی ڈویژن کے اضلاع میں میگا پراجیکٹس پر عمل درآمد اور سٹی پیکیج کے تحت جاری منصوبوں کے حوالے سے منعقدہ ایک خصوصی بریفنگ اجلاس میں کیا گیا۔ اجلاس میں وزیر اعلیٰ پنجاب کے مشیر سردار ذوالفقار علی خان کھوسہ ، راجہ اشفاق سرور ، ارکان قومی اسمبلی شاہد خاقان عباسی، محمد حنیف عباسی، ملک ابرار ، شیخ آفتاب کے علاوہ چیئر مین پی اینڈ ڈی، سیکرٹری فنانس، کمشنر راولپنڈی ڈویثرن، ڈی سی او راولپنڈی، ڈی جی این ایل سی میجر جنرل جنید رحمت اور آرڈی اے کے حکام نے شرکت کی۔ اجلاس میں کمشنر راولپنڈی ڈویژن اور دیگر کنسلٹنٹس نے وزیر اعلیٰ کو بریفنگ دی‘وزیراعلیٰ نے کہا کہ چاندنی چوک مری روڈ پر فلائی اوور ساڑھے تین ماہ میں اور چوہڑ چوک پشاور روڈ پر انڈر پاس کا منصوبہ تین ماہ کے اندر مکمل کیا جائے اور ان منصوبوں کی تکمیل میں ماحولیاتی خوبصورتی کو بھی مد نظر رکھا جائے۔ راولپنڈی میں ٹریفک کے مسئلے کے حل کیلئے تیز رفتاری سے اقدامات کئے جائیں گے اور شہریوں کو در پیش مشکلات کا حتی المقدور ازالہ کیا جائے گا‘مری روڈ کے زیادہ تر حصے پر سگنل فری ٹریفک کو ممکن بنایا جائے گا۔ تعمیراتی منصوبوں کے معیار پر کوئی سمجھوتہ نہیں کیا جائے گا اور صوبے میں جہاں بھی ترقیاتی منصوبوں کے معیار میں کوئی کمی نظر آئی تو ٹھیکیدار فرم اور دیگر متعلقہ ذمہ داروں کے خلاف سخت تادیبی کارروائی یقینی بنائی جائے گی۔ وزیر اعلیٰ کو بتایا گیا کہ فلائی اوورز اور انڈر پاس کی تعمیر سے راولپنڈی شہرو کینٹ کی دونوں اہم سڑکوں پر ٹریفک کی تقریبا آئندہ بیس سالہ ضروریات پوری ہوں گی اجلاس میں سٹی پیکیج کے تحت راولپنڈی ڈویژن کے چاروں اضلاع کیلئے مجموعی طور پر 2 ارب روپے کے ترقیاتی منصوبوں کی بھی منظوری دی گئی۔ ثناءنیوز کے مطابق وزیراعلیٰ نے وزیراعظم سے مطالبہ کیا کہ پنجاب میں900میگاواٹ توانائی کے منصوبوں کو کرپشن اور نااہلی کی نذر کر کے صوبے کو اندھیروں میں دھکیلنے اور بجلی کے بحران میں اضافہ کرنے والوں کے خلاف سخت ترین کارروائی کی جائے۔ نندی پور اور چیچوکی ملیاں میں 450۔ 450میگاواٹ کے توانائی کے منصوبوں میں مجرمانہ غفلت کا مظاہرہ کیا گیا ہے جو پنجاب اور پاکستان کے خلاف گہری سازش ہے۔ ان منصوبوں پر قوم کو 20 ارب روپے کے اضافی اخراجات برادشت کرنا پڑیں گے۔ وزیراعظم سے درخواست ہے کہ وہ قوم کے ان مجرموں کو الٹا لٹکا دینا چاہیے۔ اگر قوم کے ان مجرموں کے خلاف ایکشن نہ لیا گیا تو ہر فورم پر آواز اٹھانے پر مجبور ہوں گے-وہ آج یہاں مشترکہ مفادات کی کونسل کے اجلاس کے بعد لاہور واپسی پر میڈیا کے نمائندوں سے بات چیت کر رہے تھے۔وزیراعلیٰ نے کہا کہ نندی پور میں 450میگاواٹ توانائی کا منصوبہ ایک سال پہلے مکمل کیا جانا تھا اور اس منصوبے کے لئے اربوںروپے کی مشینری کراچی کے گوداموں میں پڑی ہے جس پر بھاری تاوان ادا کیا جا رہا ہے۔ ان منصوبوں میں تاخیر کر کے پنجاب کو نشانہ بنایا گیا ہے جس کی وجہ سے آج صوبے کے کارخانوں کی چمنیوں سے دھواں نکلنا بند ہو گیا ہے‘ صنعتوں کا پہیہ رک گیا ہے اور برآمدات کو ناقابل تلافی نقصان پہنچاہے۔صنعت و زراعت کا بے پناہ نقصان اور لاکھوں لوگوں کا معاشی قتل بھی ہوا‘ آج پنجاب کے عوام کس سے اپنے معاشی قتل کا حساب لیں؟ سرمایہ کار اور صنعت کار اپنا سرمایہ یہاں سے منتقل کررہے ہیں۔

روزنامہ جنگ راولپنڈی

**محمد یاسرعلی** · 28-08-11, 05:48 AM

کچھ نہ ہونے سے کچھ ہونا بہتر ہے
میرے خیال میں تو کچہری چوک ، مڑیر چوک اور لیاقت باغ چوک پہ بھی فلائی اوور کی تعمیر راولپنڈی کے شہریوں کی ضرورت ہے

**گلاب خان** · 28-08-11, 06:22 PM

اقتباس:

اصل مراسلہ منجانب : محمد یاسرعلی

کچھ نہ ہونے سے کچھ ہونا بہتر ہے
میرے خیال میں تو کچہری چوک ، مڑیر چوک اور لیاقت باغ چوک پہ بھی فلائی اوور کی تعمیر راولپنڈی کے شہریوں کی ضرورت ہے

السلام علیکم ورحمۃ اللہ وبرکتہ
راولپنڈی شہر میں خاص طور پر اہم سڑک بے نظیر روڈ کچھ مقامات چھوڑ کر کم چوڑی نہیں ہے، اصل مسئلہ تجاوزات کی بھرمار ہے۔ دکانداروں نے فٹ پاتھ سمیت سڑک پر کئی فٹ قبضہ کیا ہوتا ہے۔ اور دوسرا مسئلہ غلط پارکنگ ہے۔ اب لیاقت باغ اور کمیٹی چوک کے علاقوں میں موٹرسائیکل مکینک صاحبان نے فٹ پاتھ سمیت سڑک پر تقریبآ 5 سے 10 فٹ قبضہ کیا ہوتا ہے۔ اس کے علاوہ ریڑھی اور ٹھیلے والوں کو بھی جگہ چاہیے۔ پبلک ٹرانسپورٹ کے علاوہ خریداری کرنے والے بھی اپنی مرضی سے گاڑی پارک کرتے ہیں۔ ٹیکسی والوں کا ذکر نہ کریں تو یقینآ ناانصافی ہوگی انہیں تو کوئی پوچھتا ہی نہیں، اور نہ وہ کسی کی پروا کرتے ہیں، چاہے رکے ہوئے ہوں یا رواں‌ دواں ہوں۔ تاجروں کو منع کریں تو حنیف عباسی کا ووٹ بنک کمزور ہوجائے گا۔
اس کا حل پھر یہی ہے جو آپ نے تجویز کیا ہے۔ بلکہ اس بارے میں تو میں نے سنا ہے کہ 76ء سے یا 78ء سے اس پر منصوبہ بندی ہوچکی ہے لیکن شاید مسئلہ رقم خرچ کرنے کا ہے۔

**یاسر عمران مرزا** · 28-08-11, 07:34 PM

چلیے کچھ اچھا کام بھی ہو تو رہا ہے۔

**محمد یاسرعلی** · 28-08-11, 10:44 PM

ویسے اگر بے نظیر روڈ المعروف مری روڈ کو تجاوزات سے پاک کر دیا جائے تو کافی مسلہ حل ہو سکتا ہے باقی پارکنگ کا مسلہ تو رہے گا ناز سینما کی جگہ جو پلازہ بن رہا ہے اس کے علاوہ دو تین پلازے شاید ہوں جن کی اپنی پارکنگ کی جگہ ہے سروس روڈ کی بات نہیں کر رہا

28-08-11, 05:48 AM	#2
محمد یاسرعلی Senior Member تاریخ شمولیت: Apr 2008 مقام: راولپنڈی عمر: 28 مراسلات: 4,031 کمائي: 54,667 شکریہ: 7,881 2,881 مراسلہ میں 7,142 بارشکریہ ادا کیا گیا	کچھ نہ ہونے سے کچھ ہونا بہتر ہے میرے خیال میں تو کچہری چوک ، مڑیر چوک اور لیاقت باغ چوک پہ بھی فلائی اوور کی تعمیر راولپنڈی کے شہریوں کی ضرورت ہے Share Share this post on Digg Del.icio.us Technorati Twitter Facebook! __________________ فیس بک پہ پاک نیٹ کا حلقہ احباب https://www.facebook.com/groups/pak.net دوستوں سے گزارش ہے کہ اپنے شائع کردہ موضوع کو یہاں بھی شئیر کردیا کریں تاکہ زیادہ سے زیادہ لوگوں کو پاک نیٹ کی فیملی کا حصہ بنایا جاسکے۔

28-08-11, 07:34 PM	#4
یاسر عمران مرزا ذیلی ناظم تاریخ شمولیت: May 2009 مقام: جدہ-سعودی عرب مراسلات: 5,641 کمائي: 86,382 شکریہ: 9,614 4,226 مراسلہ میں 12,047 بارشکریہ ادا کیا گیا	چلیے کچھ اچھا کام بھی ہو تو رہا ہے۔ Share Share this post on Digg Del.icio.us Technorati Twitter Facebook!

28-08-11, 10:44 PM	#5
محمد یاسرعلی Senior Member تاریخ شمولیت: Apr 2008 مقام: راولپنڈی عمر: 28 مراسلات: 4,031 کمائي: 54,667 شکریہ: 7,881 2,881 مراسلہ میں 7,142 بارشکریہ ادا کیا گیا	ویسے اگر بے نظیر روڈ المعروف مری روڈ کو تجاوزات سے پاک کر دیا جائے تو کافی مسلہ حل ہو سکتا ہے باقی پارکنگ کا مسلہ تو رہے گا ناز سینما کی جگہ جو پلازہ بن رہا ہے اس کے علاوہ دو تین پلازے شاید ہوں جن کی اپنی پارکنگ کی جگہ ہے سروس روڈ کی بات نہیں کر رہا Share Share this post on Digg Del.icio.us Technorati Twitter Facebook!

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Similar Threads
موضوع	موضوع شروع کیا	فورم	جوابات	آخری مراسلہ
دنیا کی پہلی خلا باز خاتون والین تینا تیریش کووا	گلاب خان	عورت کہانی	1	08-06-11 02:10 PM
وزیراعظم گیلانی کی شہباز شریف کو گیس لوڈشیڈنگ سے متعلق پیر کے اجلاس میں شرکت کی دعوت	گلاب خان	خبریں	0	17-12-10 06:33 AM
باراتیو ں سے بھری بس جھیل میں گر گئی، 24 خواتین، تین بچے اور ایک مرد ڈوب کر ہلاک	جاویداسد	خبریں	0	15-12-10 06:41 PM
دور حاضر میں خواتین کا کردار اور بچوں کی تعلیم و تربیت	ام غزل	والدین اور بچوں کے حقوق	8	07-06-09 05:59 AM
خواتین کارکنان کے متعلق اشعار چاہئیں	ام طلحہ	شعر و شاعری	20	28-05-09 03:52 PM

Currently Active Users Viewing This Thread: 1 (0 members and 1 guests)