حمید گل وزیراعظم نہ بنانے کے باعث میرے خلاف ہوئے‘ عمران خان اچھے کردار کے مالک ہیں‘ سابق صدر
دبئی(این این آئی) آل پاکستان مسلم لیگ کے سربراہ اور سابق صدر پرویز مشرف نے دعویٰ کیا ہے کہ حمید گل وزیر اعظم بننا چاہتے تھے نہ بنانے پر وہ میرے خلاف ہوگئے، چوہدری برادری میرے مخالف نہیں، ہوا کا رخ دیکھ کر دوسری طرف چلے گئے، عمران خان کر دار سے اچھے انسان ہیں، 2002 میں مرضی کی سیٹیں نہ ملنے پر مخالف ہوگئے۔ ایک انٹرویو میں سابق صدر پرویز مشرف نے کہاکہ آئی ایس آئی کے سابق سرراہ جنرل ر یٹائرڈ حمید گل وزیراعظم بننا چاہتے تھے۔ انہیں وزیراعظم نہیں بنایا گیا تو وہ میرے خلاف ہوگئے۔ ایک سوال کے جوا ب میں پرویز مشرف نے کہا کہ چوہدری برادران ان کے مخالف نہیں، ہوا کا رخ دیکھ کر دوسری طرف چلے گئے ہیں انہوں نے کہا کہ جب فضا بدلے گی تو وہ انہی کی طرف لوٹ آئیں گے۔ ایک اور سوال کے جواب میں پرویز مشرف نے کہاکہ سابق وزیراعظم بے نظیربھٹو کے ساتھ مفاہمتی آرڈیننس ( این آر او) کےلئے انہیں چوہدری برادران ہی نے بھیجا تھا اور پرویز الہی کے مطالبے پر ہی کیسز ختم کرنے کی شرط مانی تھی۔ ایک سوال کے جواب میں پرویز مشرف نے کہا کہ پاکستانی سیاستدانوں میں عمران خان کریکٹر کے لحاظ سے سب سے بہترانسان ہیں اور وہ ان سے صرف اس لیے ناراض ہیں کہ انہیں 2002 میں مانگیں گئی سیٹیں نہیں دیں۔ ایک سوال کے جواب میں سابق صدر نے کہا کہ مولانا فضل الرحمان ان کے کبھی بھی مخالف نہیں رہے۔
روزنامہ جنگ راولپنڈی
20-12-10, 05:42 AM
20-12-10, 05:42 AM
Linear Mode
Similar Threads
