اسلام آباد (جنگ نیوز)چیف الیکشن کمشنر نے مسلم لیگ( ن )کے سربراہ میاں نواز شریف اور ان کے بھائی شہباز شریف کی جانب سے کاغذات نامزدگی مسترد کئے جانے کے خلاف نظرثانی کی ایک اور اپیل مسترد کر دی ہے اس حوالے سے الیکشن کمیشن آف پاکستان کا ایک اجلاس ہوا نواز شریف اور شہباز شریف کی جانب سے ان کے وکیل اکرم شیخ الیکشن کمیشن کے سامنے پیش ہوئے، الیکشن کمشنر نے فیصلہسناتے ہوئے کہا کہ کاغذات منظور یا مسترد کرنے کا ایک طریقہ کار وضع کیا گیا ہے اور یہ کام ریٹرننگ افسران اور اپیلیٹ ٹریبونل کا ہے اور شریف برادران کو کہا گیا تھا کہ وہ الیکشن کمیشن کی بجائے متعلقہ ٹریبونل میں جائیں الیکشن کمیشن نے کہا کہ نواز شریف اور شہباز شریف کو سات دسمبر کو خط لکھ دیا تھا کہ اپیل صرف ٹریبونل میں دائر کی جا سکتی ہے۔

__________________