چیف جسٹس کی مدت ملازمت میں کمی پرسخت مزاحمت ہوگی، جسٹس وجہیہ
اسلام آباد (نمائندہ جنگ )سابق صدارتی امیدوارجسٹس (ر) وجہیہ الدین احمد نے کہا ہے کہ حکومت نے اگر چیف جسٹس کی مدت ملازمت میں کمی کی یاانکی جگہ کسی اورکوتعینات کرنے کی کوشش کی یاکوئی اوررکاوٹ پیداکی گئی توپاکستانی عوام ،سول سوسائٹیزاور وکلاء سخت مزاحمت کرینگے۔اسلام آباد ائیرپورٹ پر صحافیوں سے گفتگو کرتے ہوئے انہوں نے کہا کہ اگر جمہوری حکومت کے آنے کے بعد بھی ایسی کوئی آئینی ترامیم لانے کی کوشش کی گئی تو عوام بھرپور مزاحمت کریں گے۔جسٹس (ر) وجہیہ نے مزیدکہاکہ جسٹس فلک شیرکی سنیارٹی کا معاملہ پہلے ہی ختم ہوچکا ہے، یہ معاملہ پہلے بھی زیربحث آیا تھا تاہم جسٹس فلک شیر نے خود ہی منع کردیااور ان کو اس سے کوئی غرض نہیں۔ انہوں نے کہا کہ سپریم کورٹ اور ہائی کورٹ دوالگ الگ عدالتیں ہیں،جو جج ہائی کورٹ سے سپریم کورٹ میں پہلے آتاہے۔

__________________