چین دنیا کا سب سے بڑا انٹرنیٹ انفرا اسٹرکچر تعمیر کرے گا، اس نظام میں تما م شہروں،95.6فیصد قصبوں کو براڈ بینڈ سے منسلک کردیا جائے گا،99فی دیہاتوں کو انٹرنیٹ تک رسائی حاصل ہوگی،چینی اخبار پیپلز ڈیلی کے مطابق ٹیلی کمیونیکیشن کی وزارت نے تجویز دی ہے کیوں کہ انٹر نیٹ استعمال کرنے والے چینیوں کی تعداد36کروڑ سے تجاوز کر چکی ہے، چین دنیا کے دوسرے بڑے آئی پی ایڈریس کا حامل ملک ہے ،جہاں پچاس لاکھ سے زیادہ ڈومین رجسٹر ہوچکے ہیں جو دنیا میں سرفہرست ہیں۔2008میں چین کی انٹر نیٹ انڈسٹری کے اثاثے150ارب چینی کرنسی RMB(Renminbi) سے تجاوز کر چکے تھے،اس میں زیادہ تر منافع آن لائن گیمز،اشتہارات اور ای کامرس سے حاصل ہوتا ہے۔ اس صنعت سے 557000چینیوں کا روزگار وابستہ ہے،اور تقریباًایک کروڑ سے زیادہ سرپلس افراد موجود ہیں،چین میں روزانہ کی بنیادوں پر26کروڑافراد آن لائن اخبارات کا مطالعہ کرتے ہیں،24کروڑ ای میل بھیجتے ہیں،سات کروڑ ساٹھ لاکھ افراد آن لائن خدمات انجام دیتے ہیں،36کروڑ افراد اپنی مصنوعات کی خریدوفروخت کیلئے انٹرنیٹ کا استعمال کرتے ہیں۔