چینی حکام کا کہنا ہے وہ بجلی کی کمی کی وجہ سے شنگھائی میں شدید موسمِ گرما میں خریداری کے مراکز اور دفاتر بند رکھنے کو کہا جائے گا۔
حکام کے مطابق ان کے پاس اتنی بجلی موجود نہیں کہ وہ اس وقت شہر کی ضرورت پوری کر سکیں جب شدید گرمی کی صورت میں لوگ ائرکنڈیشنر استعمال کریں گے۔

چین کو رواں برس مارچ سے بجلی کی پیداوار میں کمی کا سامنا ہے جس کا ذمہ دار کوئلے کی بڑھتی قیمتوں اور پن بجلی گھروں کے لیے پانی کی کمی کو قرار دیا جاتا ہے۔

چین میں پیدا ہونے والی بجلی میں سے اسّی فیصد کوئلے کے ایندھن سے چلنے والے بجلی گھروں میں پیدا کی جاتی ہے

شنگھائی میں چوبیس ہزار فیکٹریوں اور صنعتوں کو پہلے ہی لازمی لوڈ شیڈنگ کا سامنا ہے لیکن چینی اخبارات کے مطابق یہ پہلا موقع ہے کہ تین ہزار کے قریب عام دکانیں اور دفاتر بھی اس لوڈشیڈنگ کی زد میں آئیں گے۔
حکام کا یہ بھی کہنا ہے کہ شہر میں درجہ حرارت سینتیس ڈگری سنٹی گریڈ سے تجاوز کرنے کی صورت میں لوڈشیڈنگ بھی کی جائے گی۔

خیال رہے کہ شنگھائی میں چوبیس ہزار فیکٹریوں اور صنعتوں کو پہلے ہی لازمی لوڈ شیڈنگ کا سامنا ہے لیکن چینی اخبارات کے مطابق یہ پہلا موقع ہے کہ تین ہزار کے قریب عام دکانیں اور دفاتر بھی اس لوڈشیڈنگ کی زد میں آئیں گے۔

حکام کے مطابق بجلی کی فراہمی میں پہلی ترجیح مکانات کو دی جائے گی تاہم دکانوں اور دفاتر کی بندش لازمی نہیں بلکہ رضاکارانہ بنیادوں پر ہوگی۔

اور رواں برس چین میں شدید موسمِ گرما میں لوڈشیڈنگ سے کم از کم دس صوبوں کے متاثر ہونے کا اندیشہ ہے۔

خبر

__________________
بیاض کمبوہ پڑھنے کے لیے ایڈریس بار میں ٹائپ کریں،
biazekamboh.co.cc