چین نے بھارت کی نیوکلیئر سپلائر گروپ میں کی رکنیت پر اعتراض کرتے ہوئےپاکستان کی شمولیت کی کوششیں تیز کر دی ہیں بھارتی اخبار کے مطابق فزشتہ ماہ نیوکلیئر سپلائر گروپ کے ہالینڈ میں ہونے والے اجلاس میں امریکا فرانس اور برطانیہ کی حمایت سے بھارت کی رکنیت کا معاملہ پیش کیا گیا تھا۔ جس پر چین نے اعتراض کرتے ہوئے کہا کہ بھارت نے ایٹمی عدم پھیلاؤ کے معاہدے پر دستخط نہیں کیے اس لیے اسے چھیالیس رکنی گروپ کا حصہ نہیں بنایا جاسکتا۔ اور کسی ایک ملک کےلیے یہ امتیازنہیں ہونا چاہیے۔اخبار کے مطابق اس تجویز کے بعد پاکستان اوراسرائیل دو ممالک ایسے باقی رہ جاتے ہیں جنھوں نے این پی ٹی پر دستخط نہیں کیے ،تجزیہ کاروں کے مطابق چین بھارت کے معاملے کوپیچیدہ بناکر اسلام آباد کو فائدہ پہنچانا چاہتا ہے۔