24 ستمبر 2010
نیویارک (نیٹ نیوز)چین کی بڑھتی ہوئی فوجی طاقت نے امریکہ کو توشویش میں مبتلہ کردیا ہے ۔ دفاعی ماہرین کے مطابق چین اپنے فوجی پروگراموں کو مغربی بحرالکاہل میں امریکہ کی طاقت کا توڑ کرنے کے لیے ضروری خیال کر تاہے اور چین کے لیے طیارہ شکن میزائل تیار کرنا، طیارہ بردار جہاز کے خلاف جنگی بیڑا تیار کرنے سے کہیں زیادہ آسان ہے۔امریکی محکمہ دفاع کا کہنا ہے کہ چین ایسے میزائل تیار کر رہا ہے جو1500 کلو میٹر سے زیادہ فاصلے پر موجودطیارہ بردار جہازوں کو نشانہ بنا سکتے ہیں۔یہ نظام ایک ہزار سے زائدمیزائلوں پر مشتمل ہے جن کا رُخ تائیوان کی جانب ہے جسے چین اپنا حصہ سمجھتا ہے۔ امریکی پینٹا گان کے مطابق، چین اپنا پہلا طیارہ بردار جہاز بھی تیار کر رہا ہے جس کے بعد چین ان چند ملکوں کی صف میں شامل ہو جائے گا جو بین الاقوامی سمندروں میں اپنی طاقت کا مظاہرہ کر سکتے ہیں۔ دوسری جانب چین نے پینٹا گان کی اس تازہ رپورٹ کو مسترد کرتے ہوئے اسے مبالغہ آمیز قرار دیا ہے ۔

__________________
جاویداسد