واپس چلیں   پاکستان کی آواز > حالات حاضرہ > خبریں



خبریں پاکستان اور دنیا بھر کی تمام نئی خبروں کے لیئے یہاں تشریف لائیں


ڈالروں کے عوض اسلام کو بیچنے کا شرمناک کھیل

short url
جواب
 
LinkBack موضوع کے اختیارات موضوع کی درجہ بندی ظاہری انداز
پرانا 24-11-10, 05:35 PM   #1
ڈالروں کے عوض اسلام کو بیچنے کا شرمناک کھیل
جاویداسد جاویداسد آف لائن ہے 24-11-10, 05:35 PM

آج کل مختلف ٹی وی چینلوں پر اسلام کو نیچا دکھانے اور سیکولر ازم کے حق میں بحث ہو رہی ہے۔ مغربی این جی اوز کے ساتھ چند لاکھ ڈالروں میں اسلام کا سودا کرنے والے چینلوں کے اینکر پرسن اسلام کو یوں موضوع سخن بنائے ہوتے ہیں کہ جیسے انہوں نے اسلام پر پی ایچ ڈی کر رکھی ہے۔ چند دانشور قسم کے سیکولر لوگوں کو بلا کر ان کے سامنے ایک کمزور سا مولوی بٹھا دیا جاتا ہے اور اسلام کے قوانین پر یوں بحث کی جاتی ہے جیسے وہ قوانین اس مولوی نے بنائے ہیں۔
پاکستان میں ایسے ان گنت مسلمان ہیں جو اسلام سے بری طرح خائف ہیں اور موقع ملنے پر حرف زنی کرنے سے بھی باز نہیں آتے۔ توہین رسالت ایکٹ(295-C)کو کالا قانون قرار دیتے ہیں۔ اللہ اور اس کے رسولۖ کی مقرر کی ہوئی سزائوں کو وحشیانہ سزائیں قرار دیتے ہیں اور کوئی ٹوکے تو یہ کہہ کر اس کی زبان بند کرا دیتے ہیں کہ ہم آپ سے بہتر مسلمان ہیں اگر ہم یاد کر سکیں تو سابق امریکی صدر بش کے دور میں ایک امریکی تھنک ٹینک نے یہ رپورٹ پیش کی تھی کہ جب تک پاکستانی معاشرہ بنیاد پرستی (اسلام) پر قائم رہے گا اس وقت تک دنیا سے انتہا پسندی ختم نہیں ہوگی۔ اس رپورٹ کو بنیاد بنا کر جب پاکستانی معاشرے کی نئے سرے سے ذہن سازی کی مہم شروع کی گئی تو کئی سینئر صحافیوں کو بڑی بڑی رقموں کی آفر بھی کی گئی تھی کہ وہ اپنے کالموں اور تجزیوں کے ذریعے پاکستانی معاشرے میں ایسی تبدیلی لائیں کہ مذہب ہر فرد کا انفرادی معاملہ بن کر رہ جائے۔ اس بہتی گنگا میں کس کس نے ہاتھ دھوئے تو یہ اللہ ہی جانتا ہے مگر کچھ صحافی ایسے بھی تھے جنہوں نے رقم لے کر دین فروشی سے انکار کر دیا تھا۔ بعدازاں بعض پرائیویٹ ٹی وی چینلوں کی مقبولیت کو دیکھتے ہوئے فیصلہ کیا گیا کہ ان کے ذریعے پاکستانی معاشرے کی ہیئت تبدیل کی جائے۔
ہم ہرگز یہ نہیں کہتے کہ ہماری مساجد کے مولوی دین کو جس انداز میں پیش کرتے ہیں وہ بالکل صحیح ہے کیونکہ دین کی حقیقی تعبیر کو ایک بہت بڑا عالم اور محقق ہی سمجھ سکتا اور پیش کر سکتا ہے لیکن اس قدر عرض کرنا ضروری سمجھتے ہیں کہ دین اسلام ایک مکمل ضابطہ حیات ہے اور اگر اسے ایک مکمل ضابطہ حیات کے طور پر اپنی زندگیوں پر لاگو کیا جائے تو دنیا کا سب سے زیادہ صالح' پاکیزہ اور بہتر معاشرہ تشکیل دیا جاسکتا ہے۔
اسلام اپنی روح کے مطابق یا تو فتح مکہ کے بعد نافذ ہوا تھا یا ان چار خلفائے راشدین کے دور میں جن کی تربیت نبی کریمۖ نے خود کی تھی۔ اس نظام کا عروج اس وقت دیکھنے کو ملا جب حضرت عمر نے اپنے گیارہ سال چار ماہ کے دور میں زندگی کے ہر شعبے کو اسلام کے تابع کر دیا تھا۔ انہوں نے سب سے پہلے خود اللہ اور اس کے رسولۖ کے احکامات کے سامنے سرنڈر کیا اور پھر اپنی رعایا پر اس انداز میں اسے لاگو کیا کہ زکوٰة دینے والے صدائیں دیتے پھرتے تھے اور لینے والا کوئی نہ تھا۔ حد تو یہ ہے کہ ایک عام بدو کو بھی یہ حق حاصل تھا کہ وہ خلیفہ سے پوچھ سکے کہ اس نے جو لباس پہن رکھا ہے یہ اسی قدر کپڑے سے بنا ہے جو عام مسلمانوں کے حصے میں آیا تھا یا بیت المال سے اضافی کپڑا حاصل کیا گیا تھا۔ سوال کرنے والے کے انداز کو گستاخی سمجھا گیا لیکن حضرت عمر نے اس کی حوصلہ افزائی کی اور اپنے بیٹے حضرت عبداللہ بن عمر سے فرمایا کہ وہ اس امر کی وضاحت کریں۔ حضرت عبداللہ بن عمر نے ہجوم میں کھڑے اس شخص سے کہا کہ تم ٹھیک کہتے ہو۔ یہ لباس اس قدر کپڑے سے نہیں بن پایا جو میرے باپ (حضرت عمر) کے حصے میں آیا تھا۔ میں نے اپنے حصے کا کپڑا بھی والد گرامی کو دیا تو یہ تب بن سکا۔ سوال کرنے والے کی تسلی ہوگئی اور یہ وضاحت بھی ہوگی کہ اسلام رہتی دنیا تک کا ایک ایسا دین ہے جس میں ایک عام شخص بھی خلیفہ' بادشاہ' صدر یا وزیراعظم سے امانتوں کے بارے میں سوال کر سکتا ہے اور ان زعماء پر لازم ہے کہ وہ سوال کرنے والے کی تشقی کرائیں۔
ماں زبردستی بچے کا دودھ چھڑا رہی تھی کیونکہ حضرت عمر نے اعلان کر دیا تھا کہ جب تک بچہ دودھ پیئے گا اس وقت تک اس کا وظیفہ مقرر نہیں کیا جائے گا۔ بچے کو روتے بلکتے اور ایک ماں کی مجبوری کو دیکھ کر حضرت عمر نے گویا اپنا سر پیٹ لیا اور اسی وقت حکم جاری کیا کہ شیر خوار بچوں کو بھی بیت المال سے وظیفہ دیا جائے گا۔ آج دنیا کا کون سا سیکولر حکمران ہے جو حضرت عمر کی طرح رات رات بھر اس خوف سے گلیوں میں گھومتا ہو کہ رعایا کا کوئی فرد تکلیف میں مبتلا نہ ہو۔
ایک گھر سے بچوں کے رونے کی آواز سنائی دی۔ پوچھا یہ کیوں رو رہے ہیں۔ بتایا گیا کہ بھوکے ہیں کھانا نہیں کھایا۔ اپنے خدمت گار کے ساتھ بھاگم بھاگ بیت المال پہنچے۔ وہاں سے اناج کی بوری اپنی کمر پر اٹھائی اور خدمت گار کی منتوں سماجتوں کے باوجود بوری اپنی کمر سے نہیں اتاری۔ فرمایا کہ قیامت کے روز عمر کا بوجھ تم نہیں اٹھائو گے۔
اناج لے کر بچوں کے گھر پہنچے اور ان کی ماں سے کہا میرے سامنے کھانا پکائو اور انہیں کھلائو' میں نے انہیں روتے ہوئے دیکھا ہے۔ اس وقت تک چین نہیں آئے گا جب تک انہیں ہنستا ہوا نہ دیکھ لوں۔
کیا سیکولر ازم' مارکیٹ اکانومی یا سوشلزم نے ایک بھی ایسا حکمران پیدا کیا جو حضرت عمر کے پائوں کی خاک کے بھی برابر ہو؟
یہ حضرت عمر کا نظام نہیں تھا بلکہ خالصتاً اسلامی نظام تھا جسے حضرت عمر نے صرف نافذ کیا تھا...اب اگر آج کے دور میں کوئی اسے سمجھنا ہی نہ چاہے اور اس کے نفاذ کی بات کی جائے تو اول فول بکنے لگے تو اس کا مطلب یہ ہوا کہ امریکہ' اس کے حواری اور سیکولر پاکستانی دانش فروش اسلام سے خائف ہیں کیونکہ یہ امیر غریب کی تفریق مٹا کر سیاسی' سماجی اور معاشی مساوات فراہم کرتا ہے ۔یہ نہ تو امریکیوں کو گوارا ہے نہ جاگیرداروں ' سرمایہ داروں کو اور نہ ہی ان پاکستانی دانش فروشوں کو جو ڈالروں کے عوض اپنا سب کچھ بیچ سکتے ہیں۔
__________________
جاویداسد

 
جاویداسد's Avatar
جاویداسد
Senior Member
تاریخ شمولیت: Nov 2008
مراسلات: 2,394
شکریہ: 2,418
1,903 مراسلہ میں 5,667 بارشکریہ ادا کیا گیا
مناظر: 121
Reply With Quote
7 قاری/قارئین نے جاویداسد کا شکریہ ادا کیا
dxbgraphics (27-11-10), ھارون اعظم (24-11-10), یاسر عمران مرزا (24-11-10), مرزا عامر (24-11-10), شمشاد احمد (24-11-10), عبداللہ آدم (24-11-10), عبداللہ حیدر (24-11-10)
پرانا 24-11-10, 05:52 PM   #2
Senior Member
 
شمشاد احمد's Avatar
 
تاریخ شمولیت: Jul 2010
مراسلات: 4,602
کمائي: 98,694
شکریہ: 9,139
3,926 مراسلہ میں 13,141 بارشکریہ ادا کیا گیا
Default

اب يہ فيصلہ ہر ايك نے اپنے اپنے ايمان كے مطابق كرنا ہے كہ اس كے ايمان كي قيمت كيا ہے۔۔
اے اللہ تمام مسلمانوں كي حفاظت فرما۔۔
__________________
بندے اور اللہ تعالی سے محبت کا فرق یہ ہے کہ۔ بندے کی محبت ہمیشہ انسان کی بڑی کمزوری بن جاتی ہے۔ اور اللہ تعالی کی محبت ہمیشہ انسان کی سب سے بڑی طاقت بن جاتی ہے۔
شمشاد احمد آف لائن ہے   Reply With Quote
3 قاری/قارئین نے شمشاد احمد کا شکریہ ادا کیا
dxbgraphics (27-11-10), یاسر عمران مرزا (24-11-10), مرزا عامر (24-11-10)
پرانا 24-11-10, 08:05 PM   #3
Senior Member
 
مرزا عامر's Avatar
 
تاریخ شمولیت: Jun 2010
مقام: Finland
مراسلات: 4,644
کمائي: 84,734
شکریہ: 28,669
4,115 مراسلہ میں 13,069 بارشکریہ ادا کیا گیا
Default

اسلام اور سیکیولرازم کے متعلق کونسے چینلز پراورکیا بات ہو رہی ہے اس کی تفصیل مل سکتی ہے؟؟
مرزا عامر آف لائن ہے   Reply With Quote
پرانا 24-11-10, 10:49 PM   #4
ذیلی ناظم
 
عبداللہ آدم's Avatar
 
تاریخ شمولیت: Feb 2010
مقام: راولپنڈی
مراسلات: 6,037
کمائي: 100,042
شکریہ: 24,031
4,992 مراسلہ میں 14,714 بارشکریہ ادا کیا گیا
عبداللہ آدم کو Yahoo کے ذریعے پیغام ارسال کریں
Default

یہ روزنامہ اوصاف کا اداریہ ہےآج کا..............!!!!
عبداللہ آدم آف لائن ہے   Reply With Quote
جواب

Tags
پاکستان, پاکستانی, وزیراعظم, مکہ, مکمل, موقع, معاشرہ, آج, اللہ, امیر, امریکہ, اسلام, اسلامی, بنیاد پرستی, بچوں, حکم, حواری, رات, سودا, شخص, عالم, صحیح, صحافیوں, صدر, صرف


Currently Active Users Viewing This Thread: 1 (0 members and 1 guests)
 
موضوع کے اختیارات
ظاہری انداز Rate This Thread
Rate This Thread:


Similar Threads
موضوع موضوع شروع کیا فورم جوابات آخری مراسلہ
ہر کامیاب مرد کے پیچھے ایک عورت کا ہاتھ ہوتا ھی۔۔۔ صحیح یا غلط پاکستانی لڑکی گپ شپ 95 09-03-11 01:14 PM
عوام بھی الطا ف حسین کے پیچھے پیچھے فرحان دانش خبریں 5 24-08-10 11:39 PM
الطاف بھائی کا مارشل لاء کا مطالبہ اور عوام کی سوچ ۔ کیاعوام سیاستدانوں سے اکتا گئے ؟ جاویداسد خبریں 1 24-08-10 11:23 PM
عوام کی حکومت سے اپیلیں راشد احمد عمومی بحث 1 30-05-09 08:24 PM
بھائی کی بازیابی کے لیے عوام سے اپیل وجدان خبریں 1 10-07-08 01:53 PM


تمام اوقات پاکستانی معیاری وقت ( +5 GMT) کے لحاظ سے ہیں۔ ابھی وقت ہے 03:59 AM

Powered by vBulletin® Copyright ©2000 - 2012, Jelsoft Enterprises Ltd.
Content Relevant URLs by vBSEO
جملہ حقوق نشرو اشاعت ©2000 - 2012,پاکستان کی آواز - پاکستان کے فورمزکی انتظامیہ کے پاس مخفوظ ہیں۔ ہم اردو ترجمے کے لیے جناب زبیرکے مشکور ہیں-
اپنا بلاگ مفت حاصل کریں wordpress.pk
ہم pak.net ڈومین نیم کے لیے جناب فاروق سرور خان کے مشکور ہیں

Template-Modifications by TMS
vBCredits v1.4 Copyright ©2007 - 2008, PixelFX Studios
Ad Management plugin by RedTyger