ایک کھلا خط ....وزیرِ ا عظم پاکستان و صدرِ پاکستان کے نام
جناب محترم سیّدیوسف رضا گیلانی صاحب وزیرِ اعظم پاکستان
جناب محترم سیّد پرویز مشرّف صاحب صدرِ پاکستان
السلام و علیکم :
ابھی چند دن قبل Q.T.V پر نام نہاد ڈاکٹر اسرار احمد کی گفتگو نشر ہوئی جسے پاکستان،ہندوستان کے علاوہ پوری دنیا میں سُنا گیاجس میں ڈاکٹر اسرار نےمسلمانوں کے خلیفہ چہارم،دامادِ رسول اور صوفیوں کے امام الااولیا،شیعوں کے پہلے امام جناب امیر المومنین حضرت علی ابنِ ابی طالب کی شانِ اقدس میں گستاخی کرتے ہوئے کہا کہ معاذاللہ...حضرت علی نے شراب پی اور اسی نشے کی حالت میں آپ نے نماز پڑھائی اور قرآ ن کی آیات کی غلط تلاوت فرمائی۔

ڈاکٹر اسرار کی اس توہین آمیز گفتگو نے تمام عالمِ اسلام کے دلوں کو پاش پاش کر دیا ہے ۔

حضرت علی کی شان میں قرآن میں متعدد آیات اور احادیثِ رسول موجود ہیںجن پر تمام شیعہ ،سُنی مسلمان ایمان رکھتے ہیں۔
حدیثِ رسول ہے کہ ’’ یا علی تم سے محبت نہیں کرے گا مگر مومن اور تم سے عداوت نہیں رکھے گا مگر منافق‘‘۔

اس حقیقت کو قرآن بھی سورۃ احزاب کی آیہ 58 میں اس طرح بیان کر رہا ہے کہ ’’ جو لوگ مومنین اور مومنات کو بغیر کسی قصور کے اذیت دیتے ہیں تو وہ بہتان اور صریحی گناہ کا بوجھ اپنی گردن پر اُٹھاتے ہیں‘‘۔مقاتل ابنِ سلیمان کہتے ہیں کہ یہ آیت حضرت علی کے حق میں نازل ہوئی ہے۔منافقین میں سے چند لوگ آپ کو اذیت دیتے اور تکذیب کرتے تھے۔(مناقب مرتضوی صفحہ 34)
مدحِ امیر المومنین میں کلام مجید میں مسلسل آیات ہیں جو آپ کے مرتبہ اور آپ کی عظمت کا اعلان کر رہی ہیں۔اگر عداوتِ اہلبیت نے
ڈاکٹراسرار کی بینائی کو سلب کر لیا ہے تو یہ اُن کی مجبوری ہے۔
ٍ سورۃ بیّنہ کی آئیت میں ارشاد ہوتا ہے ’’ بے شک جو لوگ ایمان لائے اور اچھے اچھے کام کرتے ہیں یہی لوگ بہترین خلائق ہیں۔
ابو سعید حزری نے روائت کی ہے کہ خیر البریہ حضرت علی ہیں ۔ مجاہد کا قول ہے کہ اس سے مراد علی اور اہلبیت اور ان کے محبین ہیں‘‘
( تفسیر درِّ منثور جلد 4 صفحہ 379 و تزکرہ خواص ا لا مّہ صفحہ 11 و مناقب مرتضوی صفحہ 270 و مناقب خواردی صفحہ 179 )
حضور سرورِ کائینات نے مسلسل اپنی احادیث میں علی ابنِ ابی طالب کے فضائل کا اعلان کیا۔مناقب امیر المومنین آفتاب سے زیاد ہ روشن ہیں۔
ارشادِ رسول ہے....... جو علی کو دوست رکھتا ہے وہ مجھے دوست رکھتا ہے جو علی کو دشمن رکھتا ہے وہ مجھے دشمن رکھتا ہے۔جس نے علی سے جنگ کی اس نے مجھ سے جنگ کی۔جس نے علی کو غضبناک کیا اس نے مجھے غضبناک کیا۔علی حق کے ساتھ ہیں اور حق علی کے ساتھ ہے۔پروردگار حق کو ادھر موڑ دے جدھر علی مڑیں۔
ان تمام ارشادات رسول نے بتا دیا کہ جس کے سلسلے میں کوئی کھوٹ ہے اور جس کے دل میں کفر و نفاق کروٹیں بدلتا رہتا ہے وہ کبھی علی سے وفا نہیں کر سکتا۔
مسلمانوں نے سلمان رشدی سے نفرت کا اظہار کیا اور اسے واجب ا لا قتل قرار دیا صرف اس لئے کہ اس نے رسول اکرم اور اہلبیت کے شان میں گستاخی کی۔مسلمانوں نے ایک مغربی ملک کے خلاف نفرت کا اظہار کیا ۔ریلیاں نکالی گئیں ملکی املاک کو احتجاج کے اظہار کے لئے جلایا گیا صرف اس لئے کہ مغربی ملک کے ایک ادارے نے رسول اکرم کی شان میں گستاخی کی۔ تمام شیعہ ،سنی مسلمان اس بات کو تسلیم کرتے ہیں کہ حضرت علی کی تعلیم و تربیت رسول ، اکرم نے کی۔ڈاکٹر اسرار نے یہ گستاخی اہلسنت کے خلیفہ چہارم ،شیعوں کے امام جوانانِ جنت حضرت امام حسن وحسین کے والدِ گرامی ،دخترِ رسول جناب فاطمہ زہرا کے شوہر حضرت علی کی شان میں گستاخی کی ہے وہاں رسول کی تربیت میں بھی نقص کا اظہار کیا ہے۔
ہم جرمنی میں مقیم یورپ تمام شیعہ،سنّی مسلمان حکومتِ پاکستان سے پُرزور اپیل کرتے ہیں کہ فوراً ڈاکٹر اسرار احمد کی تقریروں پر پابندی عائدکریں کیونکہ ایسی تقریروں سے دنیا بھر کے کروڑوں مسلمانو ںکے جذبات مجروح ہو رہے ہیں اور انھیں دلی تکلیف پہنچ رہی ہے۔

سیّد اقبال حیدر ( چیئر مین ہیومن ویلفئر ایسوسی ایشن ،جرمنی)

اسی ضمن میں سنی مشن کی کی طرف سے بھی ایسے ہی غم وغصے کا اظہار کیا گیا ہے