ڈاکٹر قدیر کی رہائی کا سوال ان سے پوچھیں جنہوں نے انہیں گرفتار کر رکھا ہے
اسلام آباد (جنگ اسپیشل رپورٹ) وزیر اعظم یوسف رضا گیلانی نے جنگ پینل سے انٹرویو میں کہا کہ جہاں تک ڈاکٹر عبدالقدیر خان کی رہائی کا سوال ہے یہ تو آپ ان سے پوچھیں جنہوں نے انہیں گرفتار کر رکھا ہے لیکن اس معاملے میں متعلقہ اداروں سے بریفنگ لینے کے بعد واضح طور پر کچھ کہہ سکوں گا۔انہوں نے کہا کہ ڈاکٹر عبدالقدیر خان انتہائی قابل قدر شخصیت ہیں۔ انہیں ہماری پارٹی کے بانی شہید ذوالفقار علی بھٹو نے پاکستان میں ایٹمی پروگرام شروع کرنے کے لئے بلایا تھا ہم تو ان کا بے حد احترام کرتے ہیں۔

__________________