ڈیرا سماعیل خان میں تھانے پر حملہ،اے ایس آئی شہید،4 اہلکارزخمی
Date : 11/23/2011 Updated at 0600 PST
ڈیرا سماعیل خان ... ڈیرا سماعیل خان میں دہشت گردوں نے راکٹوں،دستی بموں اور جدید اسلحے سے درابن تھانے پر حملہ کردیا جسمیں اے ایس آئی شہیداور ایس ایچ او سمیت 4 اہلکار شدید زخمی ہوگئے۔پولیس کے مطابق دہشت گردوں نے جن کی تعداد 8 سے 10تک تھی درابن تھانے پر اچانک حملہ کردیا اور راکٹ سے فائر کرکے تھانے کا مرکزی گیٹ توڑ کرتھانے میں داخل ہو گئے اور جدید اسلحے سے فائرنگ کی جس کی وجہ سے اے ایس آئی موقع پر ہی جاں بحق ہو گیا جبکہ ایس ایچ او سمیت 4 اہلکار شدید زخمی ہوگئے۔حملہ آور ایک گاڑی اور موٹر سائیکل پر سوار ہوکر فرار ہوگئے،پولیس کے مطابق بعض حملہ آور فارسی میں گفتگو کررہے تھے ،پولیس نے علاقے کو گھیرے میں لے کر سرچ آپریشن شروع کردیا ہے۔
ڈیرا سماعیل خان میں تھانے پر حملہ،اے ایس آئی شہید،4 اہلکارزخمی