ڈیرہ اسماعیل خان ۔۔۔۔۔۔۔۔ ڈیرہ اسماعیل خان میں سی ڈیز کی دکان میں زور داردھماکے سے ایک درجن سے زائد دکانوں کو نقصان پہنچا تاہم کوئی جانی نقصان نہیں ہوا ۔پولیس کے مطابق نامعلوم افراد نے ڈ ی آئی خان کے کلاں بازار میں سی ڈیزکی دکان کے ساتھ دھماکا خیز مواد نصب کر رکھا تھا جو زور دار دھماکے سے پھٹ گیا۔ دھماکے سے پانچ دکانیں مکمل طور پر تباہ ہو گئیں جبکہ متعدد دکانوں کو شدید نقصان پہنچا ۔ دھماکا اتنا زور دار تھا کہ اس کی آواز دور دور تک سنی گئی اور گردونواح کا علاقہ لرز اٹھا،تاہم دکانیں بند ہونے کے باعث کوئی جانی نقصان نہیں ہوا۔