ڈیرہ بگٹی اورکوئٹہ میں بارودی سرنگ کے دھماکے،3افراد ہلاک ،5 ز خمی
کوئٹہ( جنگ نیوز)ڈیرہ بگٹی اورکوئٹہ میں بارودی سرنگ کے دھماکوں میں3افرادہلاک اور5شدید زخمی ہوگئے ۔مقامی پولیس افسربشیراحمدکے مطابق ڈیرہ بگٹی میں پٹوخ کے مقام پرمنگل کی صبح دوافراد بارودی سرنگ سے ٹکرا گئے، جس کے باعث ایک شخص ہلاک اوردوسراشدید زخمی ہوگیا۔ دونوں افراد اونٹ پر سواراپنے گھرجارہے تھے جبکہ دھماکے میں اونٹ بھی ہلاک ہوگیا۔انہوں نے مزیدبتایاکہڈیرہ بگٹی ہی میں دو موٹرسائیکل سوار بارودی سرنگ سے ٹکرا گئے، جس سے ایک شخص ہلاک اور دوسرا زخمی ہوگیا جبکہ کوئٹہ کے قریب بارودی سرنگ کے دھماکے میں ایک شخص ہلاک اور3 زخمی ہوگئے۔

__________________