کاروباری سیکورٹی بحال نہ کرنا باعث تشویش ہے، طارق روڈ ٹریڈر
کراچی (پ ر) طارق روڈ ٹریڈرز ایکشن کمیٹی کے چیئرمین صدیق میمن نے کاروباری مراکز میں سیکورٹی کو تاحال بحال نہ کرنے پر تشویش کا اظہار کرتے ہوئے کہا کہ مارکیٹوں و بازاروں میں ڈیڑھ ماہ سے پولیس و رینجرز تعینات کی گئی تھی جس کے باعث دکانداروں و خریداری کو مکمل تحفظ حاصل تھا اور اس کے کاروباری عمل پر بھی بڑے مثبت اثرات مرتب ہو رہے تھے۔انہوں نے کہا کہ حکومت نے انتخابات کے باعث ان کی خدمات واپس لے لی تھیں مگر انتخابی عمل کے مکمل ہونے کے باوجود سیکورٹی دوبارہ فراہم نہیں کی گئی ہے جس کے باعث تاجروں میں تشویش پائی جاتی ہے۔

__________________