کارکنوں پر بلا جواز مقدمات بنائے جا رہے ہیں، علی نواز رضوی



ٹنڈو الہ یار (نامہ نگار) پی پی پی کے پی ایس 51 کے امیدوار علی نواز رضوی نے صحافیوں سے بات چیت کرتے ہوئے کہا کہ ضلعی انتظامیہ ٹنڈو الہ یار میں ہونے والی ہنگامہ آرائی اور لوٹ مار میں پی پی کے کارکنوں اور ہمدردوں کو بلا جواز ملوث کر کے ان کے خلاف مقدمات درج کر رہے ہیں۔ آزاد مگسی اتحاد کے افراد تھانوں میں بیٹھ کر پی پی رہنماؤں کے علاوہ ایسے افراد کے نام درج کرا رہے ہیں جو پی پی کے ووٹرز ہیں اور ان کے خلاف کیس درج ہونے کے بعد رابطہ کرکے وفاداریاں تبدیل کرانے کی کوشش کر رہے ہیں اور کہا جا رہا ہے کہ وہ آزاد مگسی اتحاد مسلم لیگ (ق) کے امیدواروں کوووٹ دیکر کامیاب کرائیں اور اپنے گھروں میں امیدواروں کے جھنڈے اور تصاویر لگائیں جبکہ پی پی پی کے دیگر رہنماؤں، ہمدردوں نے آزاد مگسی اتحاد کی جانب سے کی جانے والی کارروائیوں کی بھرپور مذمت کرتے ہوئے الیکشن کمشنر، پاکستان، اعلیٰ حکام سے اپیل کی ہے کہ اس طرح کی کارروائیوں کا نوٹس لیں۔