14 دسمبر 2010
خرطوم (مانیٹرنگ ڈیسک)سوڈان میں پولیس کے ہاتھوں ایک عورت کو کوڑے مارے جانے کے واقعہ پر احتجاج کرنے والے 43افراد کو گرفتارکر لیا گیا۔ یوٹیوب پرجاری ایک ویڈیو میںایک پولیس اہلکار خاتون کو کار پارکنگ میں نیچے بیٹھنے کا کہتا ہے اور اس کے بعد اس کے سارے جسم پرسرعام کوڑے مارے جاتے ہیں۔ اس ویڈیو میں خاتون بری طرح چیخ رہی ہے ۔اس ویڈیو کو دیکھنے کے بعد عوام میں شدید اشتعال پیدا ہوا ہے اور دارالحکومت خرطوم میں بہت سے پولیس کے خلاف سڑکوں پر آ گئے جس پر 43افراد کو حراست میں لے لیا گیا۔ اپوزیشن کے مطابق مظاہرین خواتین کی بے حرمتی کے خلاف پر امن احتجاج کر رہے تھے۔ سوڈان کی عدالت نے کہا ہے کہ خاتون کو سرعام سزا دینے کا واقعہ ملکی قانون کے خلاف ہے کیونکہ کسی کو ماورائے عدالت سزا نہیں دی جا سکتی۔

__________________
جاویداسد