مرزا عامر

مجھے یہ سمجھ نہیں آتا اصحاب کھف جو نیک لوگ تھے انہوں نے کتا کیوں پالا ہوا تھا؟ (سورۃ کھف آیات 18 تا 22۔)

__________________

میں اک دن لَوٹ کے آوں گا

کنعان

السلام علیکم

یہ واقع قرآن مجید نازل ہونے سے پہلے کا ھے جس کا ذکر قرآن مجید میں کیا گیا، اس سے پہلے جو بھی تھا، اور جو قرآن مجید سے یا رسول اللہ صلی اللہ علیہ وسلم کی زبان مبارک سے اسے منع فرما دیا گیا/ کرنے کا حکم دیا گیا، تو اسی پر عمل کیا جائے گا قرآن مجید میں نازل ہوا اور جو رسول اللہ صلی اللہ علیہ وسلم کی زبان مبارک سے ادا ہوا۔

والسلام

__________________

حیدر

اہہ تے فیر ہے۔ ماشا اللہ بہت خوب بیان کیا

مرزا عامر

کنعان صاحب بہت شکریہ آپ کے جواب کا۔ کیا اللہ کے رسول نے کتا پالنا ہر صورت میں حرام قرار دیا ہے؟ جی نہیں- تو کوئی اور شخص اسے کیونکر حرام قرار دے سکتا ہے- ضرورت کے تحت کتا پالا جا سکتا ہے۔ مثال کے طور پر کوئی شخص تنہائی کی زندگی گزار رہا ہو تو گھر سے باہر کتا پالنے میں کوئی حرج نہیں۔ اسی طرح چوکیداری کے لئے بھی کتا پالنے میں کوئی حرج نہیں۔ مئجھے یاد پڑتا ہے کہ۔ زلزلہ کشمیر میں سدھاے ہوئے کتوں نے کئی قیمتی جانیں بچائی تھیں۔ اور یہی پالے ہوے کتے منشیات کی اسمگلنگ کی روک تھام میں نہایت اہم کردار ادا کر رہے ہیں۔ سعودی عرب جیسے ملک میں بھی ان ہی سے مدد لی جاتی ہے۔میں تو یہ کہوں گا کےجس طرح کتا اپنے مالک کا وفادار ہوتا ہے اسی طرح ہم اللہ کے وفادار بن جائے تو ہماری دنیا بھی سنور جائے اور آخرت بھی۔ہم کسی اور سے نہ سہی کتے سے ہی کچھ سیکھ لیں

ایک اور اہم بات سورۃ مائدہ آیت نمبر 4 میں اللہ نے شکاری کتوں کے ذریعے کیے گئے شکار کو حلال قرار دیا ھے اور لفظ مکلبین (ماخذ کلب ) استعمال کیا ہےلیکن افسوس جس کا ترجمہ زیادہ تر حضرات نے شکاری جانور کیا ہے نہ کے کتے۔ بہر حال یہ کتے اسی وقت آپ کے لیے شکار کریں گے جب آپ انہیں پالیں گے ۔اللہ نے کوی جاندار یا شے بلا وجہ تخلیق نہیں کی۔

یہ صحیح ہے کہ مغرب کی تقلید میں ہمیں اندھا نہیں ہو جانا چاہئے کہ ہم اپنا اصل ہی بھول جائیں اور نا ہی نفرت میں اتنا آگے نکل جانا چاہئے کہ حقیقت کا چہرہ ہی مسخ کر دیں۔ مجھے تو ڈر ہے کہ کسی دن یہ فتویٰ نہ آجاے کہ ہوائی جہاز پر سفر کر کے حج کرنا حرام ہے کیوں کہ یہ مغرب کی ایجاد ہے۔

محمدخلیل

مجھے سمجھ نہیں آتی کتے سے اتنی نفرت کیوں کی جاتی ہے۔؟

حیدر

میرا خیال ہے کہ مندرجہ بالا فتویٰ اور کنعان بھائی کتوں کو شوقیہ پالنے کے حوالے سے گفتگو کر رہے ہیں جبکہ دیگر بھائی اسکو کسی اور معنوں میں لے رہے ہیں۔ چناچہ سوال گندم جواب چنا والا معاملہ ہو رہا ہے۔

احمد بلال

سوال گندم جواب چنا نہیں ہو رہا۔اگر ایک صورت میں کتا پالنا حرام ہے تو دوسری صورت میں جائز بھی ہے۔ اسی بارے میں اراکین نے اپنے اپنے خیالات شیئر کیےہیں اور یہ کسی دوسرے کی جائز بات کی نفی نہیں کر رہے۔اراکین ‌کے خیالات شیئر کرنے سے مجھ جیسے بہت سے لوگو ں کو اس بات کا فرق( کتا پالنا چاہیے یا نہیں ) بہت اچھی طرح واضح‌ہو گیا ہو گا۔

مرزا عامر

اسی طرح کے فتوں کی وجہ سے۔ جبکہ کتا انسان کے لئےبہت کار آمد جانور ہے۔ ہمارے پیارے نبی صلی اللہ علیہ و سلم مسجد نبوی سے باہر ایک حاملہ کتیا کو بہت پیار سے پُچکارتے تھے

حیدر

دیکھیں یار پھر آپ یکطرفہ بات کر رہے ہیں۔ آپ نے فتویٰ کو پھر سے یکطرفہ طور پر بُرا کہہ دیا۔ جبکہ فتویٰ میں واضح طور پر ہے کہ جو شوقیہ پالتے ہیں کسی ضرورت کی وجہ سے نہیں۔
جبکہ میں نے کتوں سے نفرت کرتے کسی کو نہیں دیکھا۔ لیکن چونکہ اسکی ناپاکی مسلم ہے اس لیے میں پیار کرنے کے باوجود اس کو گلے تو نہیں لگاؤں گا نا۔ نہ ہی میں اسکو ہاتھ لگاؤں گا۔ اب اگر کوئی میرے اس فعل کو کتوں سے نفرت کی تشبیہ دے تو میں محض حیران ہی ہو سکتا ہوں
باقی اللہ بہتر جانتا ہے

کنعان

السلام علیکم مرزا عامر صاحب

میری پوری کوشش ہوتی ھے کہ جواب ایسا پیش کروں جسے پڑھ کر پڑھے لکھے لوگوں کو اگر سمجھ نہ بھی آئے مگر نقصان نہ ہو۔

ایک مرتبہ پھر آپ اپنا سوال دیکھ لیں اور اس پر میرا جواب بھی پڑھ لیں، پھر اس کے جواب میں آپ اپنا اگلا ڈائیلاگ بھی پڑھ لیں‌ جو کسی بھی طرح معیار کے مطابق درست نہیں۔

والسلام

کنعان

السلام علیکم

فتوی سے ہٹ کے یہ ایک حدیث پیش خدمت ھے اگر آپ کے پاس کوئی مدلل دلیل ہو تو پیش کریں، شکریہ


صحیح بخاری -> کتاب اللباس
باب : فرشتے اس گھر میں نہیں جاتے جس میں مورتیں ہوں
حدیث نمبر : 5960
حدثنا يحيى بن سليمان، قال حدثني ابن وهب، قال حدثني عمر ـ هو ابن محمد ـ عن سالم، عن أبيه، قال وعد النبي صلى الله عليه وسلم جبريل فراث عليه حتى اشتد على النبي صلى الله عليه وسلم فخرج النبي صلى الله عليه وسلم فلقيه، فشكا إليه ما وجد، فقال له ‏"‏ إنا لا ندخل بيتا فيه صورة ولا كلب ‏"‏‏.‏
ہم سے یحییٰ بن سلیمان نے بیان کیا ، کہا کہ مجھ سے عبداللہ بن وہب نے ، کہا کہ مجھ سے عمر بن محمد نے بیان کیا ، ان سے سالم نے اور ان سے ان کے والد ( ابن عمر رضی اللہ عنہما ) نے بیان کیا کہ ایک وقت پر جبرئیل علیہ السلام نے نبی کریم صلی اللہ علیہ وسلم کے یہاں آنے کا وعدہ کیا لیکن آنے میں دیر ہوئی ۔ اس وقت پر نہیں آئے تو آنحضرت صلی اللہ علیہ وسلم سخت پریشان ہوئے پھر آپ باہر نکلے تو جبرئیل علیہ السلام سے ملاقات ہوئی ۔ آنحضرت صلی اللہ علیہ وسلم ان سے شکایت کی تو انہوں نے کہا کہ ہم ( فرشتے ) کسی ایسے گھر میں نہیں جاتے جس میں مورت یا کتا ہو ۔

تشریح : دوسری روایت میں یوں ہے جب وقت گزر گیا اور جبرئیل علیہ السلام نہ آئے تو آنحضرت صلی اللہ علیہ وسلم نے فرمایا اللہ کا وعدہ خلاف نہیں ہو سکتا نہ اس کے فرشتوں کا پھر دیکھا تو چار پائی کے تلے ایک کتے کا پلا پڑا ہوا تھا۔ آپ نے فرمایا اے عائشہ! یہ پلا کب آیا انہوں نے کہا کہ مجھ کو اللہ کی قسم خبر نہیں آخر اسے وہاں سے نکالا۔

فتوی سے ہٹ کر اگر کوئی صاحب علم کے پاس اس مسئلہ کا حل ہو تو وہ بھی اس میں حصہ لے سکتے ہیں جس سے سب کو فائدہ ہو۔

والسلام

ARHAM

السلام علیکم !
کتا نجس جانور ہے اور اسے پالنے یا گھر میں رکھنے کی ممانعت کے حوالے سے واضح احادیث موجود ہیں ۔۔
کنعان بھائی نے بھی حدیث ہیش کر دی ہے ۔۔۔واضح احکامات آجانے کے بعد اس کے صحیح یا غلط ہونے پر بحث بے معنی ہے ۔۔
رہی بات کتیا کو پیار کرنے کی ( میں نے یہ واقعہ اس سے پہلے نہیں پڑھا تھا ) جانوروں پر بھی رحم کا اسلام درس دیتا ہے
ایک واقعہ جو پیارے نبی صلی اللہ علیہ وسلم نے صحابہ رضوان اللہ تعالٰی عہھم اجمعین کو سنایا
جس کے مطابق ایک شخص کا سخت گرمی میں کتے کی پیاس کو بجھانے کے خاطر کنویں میں اتر کر اپنے موزے میں پانی بھر کر لانے اور کتے کو پلانے کی وجہ سے اللہ نے اسے جنت میں داخل کردیا ۔۔
اس سے کتا پالنا جائز نہیں ہوجاتا ۔۔۔ یہ رحم دلی کی زمرے میں آتا ہے جس کی اسلام تعلیم دیت اہے

__________________

دختراسلام ڈاکٹر عافیہ صدیقی اور ان کے اہل خانہ کی عظمتوں کو سلام۔
مدہوش حکمرانو! ہوش میں آؤ۔۔۔

مرزا عامر

گھر میں رکھنے کی ممانعت ہو سکتی ہے لیکین پالنے کی ممانعت نیں سورۃ ما؁دہ کی آیت نمبر 4 سے ظاہر ہے۔ غور سے پڑھیں کے سدھاے ہوے کتے(مکلبین ماخذ کلب ) اگر تمھارے لیے شکار کو پکڑ رکھیں تو اس شکار کو کھانے میں تمھارے لیے کوی ممانعت نہیں ۔ جس چیز کی اجازت اللہ نے دے دی اسے نبی اقدس نے کبھی منع نہیں کیا۔ لہٰذا کتوں کو گھر سے دور رکھ کر پالا اور سدھایا جا سکتا ہے۔ اور رہی بات رحم دلی کی تو ہم سب اس بات پر متفق ہیں کہ اسلام دین ہے ہی رحم دلی کا جو نہ صرف انسانوں سے رحم دلی سکھاتا ہے بلکہ جانوروں کا بھی خیال رکھنے کی تلقین کرتا ہے