نیلم خان

اللہ کرے کہ اس پر عمل بھی ہو ۔

سیفی خان

اٰمین ۔

نیلم خان

ثم آمین ۔

عبدالہادی احمد

ظلم رہے اور امن بھی ہو؟
سپریم کورٹ کے سو موٹو مقدمے کی سماعت اور ممکنہ فیصلے سے کراچی کے امن وامان کو کیا فائدہ ہو گا،یہ تو آنے والا وقت ہی بتائے گا،شاید اس سے اُن زخمی دلوں کی تشفی کا کچھ سامان ہو جائے جن کے پیاروں کو تاریک راہوں میں مارا گیا،لیکن اس سے کراچی اور خود پاکستان کے امن وامان کو کتنا فائدہ ہو گا۔۔۔۔کیافرقہ پرستی اور لسانیت کی آگ بجھ جائےگی اور نفرت وتعصب کی تاریکیاں چھٹ جائیں گی ۔۔۔۔؟اس کی امید بہت ہی کم ہے۔ اس میں سپریم کورٹ کا کوئی گناہ نہیں،ہر شارٹ کٹ حل کا یہی مقدر ہوتا ہے؛تاہم اس پر سپریم کورٹ کومطعون کرنا درست نہ ہو گا،یہ خود نوٹس مقدمہ اور اس کی سماعت عدالت عظمیٰ کے اپنے وجود اور جواز کے لیے ضروری تھی۔تاہم سپریم کورٹ کے پاس وہ حل کیسے ہو سکتا ہےجو حکومت کے پاس نہیں،حالانکہ حکومتوں کے قیام کا مقصد ہی امن و امان قائم کرنا ہوتا ہے۔غیرت وحمیت ہوتی تویہ ناکام حکومت اب تک استعفا دےچکی ہوتی۔ سپریم کورٹ انصاف دلانے کا ادارہ ہے،یہ اگر انصاف فراہم کرے تو تو امن کے عمل کو فائدہ ہوتا ہے ،مگرامن قائم کرنے کی براہ راست ذمے داری سپریم کورٹ کی نہیں۔حکومت امن وامان قائم کرنے میں بے بس ہو جائے،تو آئین فوج کواختیار دیتا ہےکہ اس کام میں حکومت کی مدد کرے ،لیکن فوج نے ماضی میں جس طرح کی 'امداد' کی ہے،اس کی روشنی میں فوج کا نام لینا بھی گناہ کبیرہ کے برابرہے۔ اسی لیےسپریم کورٹ کے چیف جسٹس نے اپنی آبزرویشن میں کہا،فوج ماضی میں بدامنی سے فائدہ ا ٹھا کر مارشل لا لگاتی رہی ہے۔ گویا سپریم کورٹ میدان میں اس لیے بھی آئی ہے کہ وہ ملک کو ایک بار پھر طالع آزمائوں کے اقتدار پر قبضے سے بچانا چاہتی ہے۔یہ نہایت نیک کام ہےسپریم کورٹ کا بہت بہت شکریہ۔لیکن محترم چیف جسٹس صاحب کو یہ بھی تسلیم کرنا چاہیے کہ بار بار کا مارشل لا لگنے میں فوج کے ساتھ ساتھ عدلیہ کا بھی ایک معاون کردار رہا ہے۔ یہ ماضی کی کمزور عدالتیں ہی تھیں جنہوں نے آمروں کو تحفط دینے کے لیے"نظریہ ضرورت"ایجاد کیا اور یہ کمزوری بھی بڑی حد تک عدلیہ کی ہے کہ آج تک کسی ایک آمر اورملک دشمن کوبھی سزا نہیں مل۔کیا ان بد ترین آمروں کو آئین کے مطابق سزا دیناہمارے محافظانِ قانون وعدل کا فرض نہ تھا؟ 1973کے آئین میں مارشل لا لگانے والے جرنیلوں کی سزا موت مقرر کی گئی تھی۔اگرایوب،یحیٰ اور ضیاء الحق کو یہ سزا ملی ہوتی،تو جنرل مشرف کو پاکستان کی تقدیر سے کھیلنے کی ہمت ہوتی اورکیا آج چیف جسٹس کے دل میں یہ خدشہ موجود ہوتا کہ بدامنی کا بہانہ بنا کر فوج مارشل لا نہ لگا دے۔ چاہے بعد از مرگ ہی عدالت عظمیٰ کا فل بنچ آئین توڑنے کے جرم میں مقدمہ چلا کرآئین توڑنے کے ان سب مجرموں کو سزا سنا دیتا۔ان آمروں اور ملک کے ان دشمنوں کا جرم صرف یہی نہیں تھا کہ انہوں نے ملک کا آئین توڑا،بلکہ ملک کے تمام بحران بھی ان ہی کے پیدا کردہ ہیں۔کراچی میں نفرت کے کانٹے بھی انہوں نے بوئے،اسلحے کی منڈیاں بھی انہوں نے لگائیں،اور گروہی اور فرقہ پرستی کے کاروبار کو بھی انہوں نےدیدہ دانستہ فروغ دیا تا کہ لوگ آپس میں لڑ لڑ کرمریں اورکوئی ان غداروں پر انگلی اٹھانے والا نہ ہو۔ماضی کی عدالتوں نے جو کچھ کیا،کہا جا سکتا ہے وہ ان آمروں کے زیر اثر تھیں،لیکن آج تو آزاد عدلیہ ہے،کروڑوں عوام اس کی پشت پر ہیں۔کیا آج عدالت عظمیٰ کے پاس اس بات کا بہترین موقع موجود نہیں کہ پاکستان کا غدار،آئین شکن،پاکستان کی آزادی کا سودا کرنے والا ،ہزاروں بے گناہ پاکستانیوں کا قاتل اورانسان فروش مشرف دنیا میں موجود ہے اور دندناتا پھرتاہے۔عدالت عظمیٰ اس کے خلاف مقدمہ کیوں قائم نہیں کرتی۔اس مجرمِ اعظم کوقرار واقعی سزا مل جائے گی تو پاکستان میں تمام چھوٹے بڑے مجرم توبہ کر لیں گے یا ملک چھوڑ کر بھاگ جائیں گے۔
جناب چیف جسٹس صاحب پر واضح ہو کہ اب تک کی سماعت سے ان پر یہ حقیقت آشکار ہو چکی ہو گی کہ کراچی کے امن و امان کے ہزاروں دشمن ہیں،ملکی بھی اور غیر ملکی بھی۔بدعنوان حاکموں سے لے کر نام نہاد سیاسی اور لسانی تنظیموں تک۔۔۔غیر ملکی خفیہ اداروں سےقونصل خانوں تک،مگراس میں ایک بڑی بلکہ سب سے بڑی رکاوٹ خود عدل وانصاف کا ڈھیلا نظام بھی ہےاور اسے درست کرنے کی ذمے داری خود ان کی ہے۔مجرم پکڑے جاتے ہیں،ان کے خلاف ثبوت مہیا ہوجاتے ہیں،مگرجج انہیں کیفر کردار تک پہنچانے کے بجائے ضمانت پر رہا کر دیتے ہیں۔جب تک انصاف نہیں ہو گا امن کیسے قائم ہو گا؟ حبیب جالب نے بھی یہی سوال پو چھا تھا؛
ظلم رہے اور امن بھی ہو
کیا ممکن ہے تم ہی کہو؟

حسنین ایوب

بہرحال کسی کو تو ملک کا خیال ہے