کراچی۔۔۔۔۔۔کراچی اسٹاک ایکسچینج میں بدھ کو ملا جلا رجحان دیکھا گیااورکے ایس سی 100انڈیکس 13ہزار3سوکی حد کو برقرار نہیں رکھ سکا ۔آج مارکیٹ کا آغاز مثبت ہوا اور ایک موقع پر انڈیکس 14ہزار3سو70 پوائنٹس کی سطح پر پہنچ گیا تھا۔تاہم انرجی اور بینکنگ اسٹاکس میں فروخت کے رحجان نے مارکیٹ کے مثبت رحجان کو منفی میں تبدیل کردیا ۔ کاروبار کے اختتام پر کے ایس ای 100 انڈیکس 52پوائنٹس کمی کے بعد 14ہزار2سو67پوائنٹس ہوگیا ۔کاروباری حجم22کروڑ شیئرزرہا جو گذشتہ روز کے مقابلے میں6کروڑ شیئرز کم ہے۔ سب سے زیادہ کام اٹک ریفائنری میں ہواجس کے حصص کی قیمت 11روپے 95 پیسے بڑھ کے 281روپے 90 پیسے ہوگئی ۔ این آئی بی بینک کے شیئر زکی قیمت میں 55 پیسے کی کمی اور ایز گارڈ نائن کے شیئرز کی قیمت میں دو روپے 45 پیسے کا اضافہ ہوا ۔جس کے بعد ان کی قیمت بالترتیب 23روپے 40 پیسے اور51 روپے 95 پیسے ہوگئی ۔آج کے ایس ای 30 انڈیکس98 پوائنٹس کمی کے بعد 16825پوائنٹس ہوگیا ۔ماہرین کا خیال ہے کہ آنے والے دنوں میں مارکیٹ میں محدود پیمانے پر تیزی دیکھی جاسکتی ہے ۔