کراچی ... کراچی اسٹاک ایکس چینج میں ہفتے کے پہلے کاروباری روز مندی رہی اور 100انڈیکس 14 ہزار کی سطح پر آگیا ۔آج مارکیٹ کا آغاز4 پوائنٹس کمی کے ساتھ ہوا اور مندی کا یہ تسلسل پورے دن برقرار رہا ۔ اسٹیٹ بینک کی جانب سے موجودہ مالی سال کی پہلی سہ ماہی کے لئے جاری کیے گئے معیشت کے اعدادوشمار پر سرمایہ کار مارکیٹ میں گھبراہٹ کا شکار نظر آئے ۔ کاروبار کے ا ختتام پر کے ایس ای100 انڈیکس96پوائنٹس کی کمی کے ساتھ 14163پوائنٹس پر بند ہوا ۔کاروباری حجم24کروڑ شیئرزرہا جو گذشتہ روز کے 4مقابلے میں کروڑ شیئرزکم ہے ۔سب سے زیادہ کام ٹی آر جی پاکستان میں ہواجس کی قیمت60پیسے کم ہوکر 13 روپے85 پیسے ہوگئی ۔ این آئی بی بینک کے شیئرز کی قیمت میں ایک روپے دس پیسے کا اضافہ اور بوسکور ریفائنری کے شیئرز کی قیمت میں40 پیسے کا اضافہ ہوا ۔ جس کے بعد ان کی قیمت بالترتیب23 روپے15 پیسے اور21 روپے ہوگئی ۔ پیر کوکراچی اسٹاک ایکسچینج کا 30انڈیکس185پوائنٹس کم ہوکر16703پوائنٹس پر بند ہوا۔ ماہرین کا خیال ہے کہ آنے والے دنوں میں انڈیکس 14 ہزار کی سطح سے بھی نیچے آسکتا ہے ۔