کراچی …کراچی اسٹاک ایکسچینج میں ہفتے کے پہلے کاروباری روز تیزی رہی اور بینچ مارک 100انڈیکس چودہ ہزار سات سو کی حد بھی عبور کرگیا۔ بینکنگ اور انرجی اسٹاکس میں خریداری کے باعث مارکیٹ کا آغاز ہی تیرہ پوائنٹس اضافے کے ساتھ ہوا اور ایک موقع پر انڈیکس 14832 پوائنٹس کی سطح پر بھی دیکھا گیا ۔کاروبار کے ا ختتام پر کے ایس ای100 انڈیکس 130 پوائنٹس اضافے کے بعد 14789 پوائنٹس ہوگیا۔ کاروباری حجم26کروڑ شیئرز رہا جو گزشتہ روز کے مقابلے میں چار کروڑ شیئرز کم ہے۔سب سے زیادہ کام بوسکور ریفائنری کے شیئرز میں ہواجس کی قیمت پچاس پیسے اضافے کے بعد23روپے پچیس پیسے ہوگئی۔ این آئی بی بینک کے شیئرز کی قیمت ایک روپے اور عارف حبیب سیکورٹیز کے شیئرز کی قیمت میں پانچ روپے کا اضافہ ہواجس کے بعد یہ بالترتیب23روپے60 پیسے اور183 روپے پر بند ہوئے ۔ماہرین کا خیال ہے کہ آنے والے دنوں میں مارکیٹ تاریخ کی بلند ترین سطح چودہ ہزار867 پوائنٹس کو عبو رکرسکتی ہے ۔

__________________